Olmaliq shahri jamoasi bugun Tojikistonning "Sipar" klubi bilan bellashib, 1:2 hisobida imkoniyatni boy berdi. Malumki, avvalgi ikkita bahs ham raqiblar foydasiga hal bo'lgandi. Bugungi o'yindan keyin AGMK bosh murabbiyi Aleksandr Petrov shunday dedi:

- "Afsus, yana yutqazib qo'ydik. Lekin ko'p ham tushkunlikka tushish kerak emas, chunki bizni futzal bo'yicha O'zbekiston chempionati bahslari kutmoqda. Biz bu musobaqada ishtirok etish orqali yaxshi tajriba to'pladik. Shu o'rinda mehmondorchilik uchun tashkilotchilarga rahmat aytaman".

O'z navbatida o'yindan keyin "Sipar" klubi ustozi Benyamin Egbali ham fikrlarini bildirib o'tdi:
- "O'yin juda qiyin kechdi, lekin g'alaba qozona oldik. Bu yutuq Tojikiston futzali uchun ko'p narsani anglatadi. Bizda ham futzal rivojlanyapti, buni bugungi natija va o'yin ko'rsatib berdi. Bunday turnirlar Osiyo futzali uchun nihoyatda kerak, chunki klublar xalqaro doirada qancha ko'p o'ynasa, futzal shuncha shakllanib boradi".

Shunday qilib AGMKning musobaqadagi ishtiroki tugadi. AGMK barcha o'yinlarda mag'lub bo'lgan holda guruhda oxirgi o'rinni egalladi. To'plar nisbati ham juda xunuk ko'rinish oldi: 3-15.

Petrov AGMK Tojikiston klubiga yutqazganidan keyin nimalar dedi?