Яқин кунларда The Sun нашри томонидан Криштиану Роналду ҳақида мақола чоп этилди. Ушбу материалда унинг 18 та диққатга сазовор ҳаётий воқеаси очиб берилган. Нима учун Кришти спорт оламида энг катта ва ёқимли инсонлардан бири сифатида гавдаланганини билмоқчи бўлсангиз, мазкур мақолани ўқиб чиқишни тавсия қиламиз.

1. Роналдунинг олтин бутсаси

2011 йилда, Криштиану Жозе Моуриньо қўлостидаги "Реал" сафида 40 та гол уриб, "Олтин бутса"га сазовор бўлди. Қадрли шахсий совринни ўз хонасига қўйиш ўрнига, у мазкур совринни "аукцион"да сотишга ва келиб тушган маблағни хайрия учун ишлатишни маъқул кўрди. Португалиялик олтин бутсасини ишониб бўлмас нарх - 1,2 млн фунтга сотди ва тушган пулни урушда вайрон бўлган Газанинг (Фаластин) қайта таъмирланиши учун ҳайрия қилди.

2. Криштианунинг "Олтин тўпи"

Роналду 2013 йилда олган "Олтин тўп"ини ҳам аукционга қўйди. Ундан тушган 600 минг евро миқдоридаги маблағни даволаб бўлмайдиган ва хавфли касалликларга чалинган болаларнинг орзусини амалга оширувчи "Орзу қил" хайрия фонди жамғармасига ўтказиб берди.

3. Ҳайрия ташкилотлари элчиси

Криштиану Роналду 3 та йирик ҳайрия ташкилотлари: "Болаларни қутқаринг", "Юнисеф" ва "World Vision", элчиси ҳисобланади. Португалиялик ушбу ташкилотларда фаол қатнашиб келади. Ўтган йили Роналду Сурия низоларида жабр кўрган болаларни "ҳақиқий қаҳрамонлар" деб атади ва уларга қарата: "Мен сиз биланман", - деди. Шунингдек, Португалия терма жамоаси сардори "Болаларни асранг" фондига сирли ҳайрия қилган ва уни оммага эълон қилмасликни сўраган.

4. Бонусларни ҳайрияга берган

2013 йил, Роналду УЕФАнинг йил термасига киритилган ва бонус сифатида 100 минг еврони қабул қилиб олган. Албатта, бу пулларни Криштиану рад этган ва "Red Cross"га эҳсон қилиб юборган. 2014 йил. Португалиялик ЕЧЛда "Реал"ни чемпион бўлишида ёрдам қилгани учун "қаймоқранглилар" раҳбарияти томонидан 450 минг евро бонусни қабул қилиб олди ва "Save the Children", "UNICEF" ва "World Vision" хайрия ташкилотоларига ушбу суммани улашди.

5. Хайрия

Кришнинг танасида "таутировка" йўқ ва бўлмайди. Бу Роналдунинг онгли равишда қилган танловидир. У мунтазам равишда қонини беради ва кўплаб донорлик акцияларида қатнашади.

"Қонимизни улашсак, ҳаммамиз бундан фойда кўрамиз. Қон топшириш хайрия ташкилотларидан бирига раҳмат айтаман, улар 3 нафаргача инсонни даволаниши учун имконият беришмоқда. Ҳозир, ёнингизда қонга муҳтож бўлган инсонлар ҳам бор. Ҳамма ҳам эмас, балки қони мос тушадиган инсонлар. Шунинг учун мен донор улашаман", - дейди Роналду.

6. Непалда юз берган зил-зила қурбонларига ҳайрия қилган

2015 йил. Роналду Непалда юз берган кучли ер қимирлашидан кейин жуда катта пул маблағини ҳайрия қилиш учун "Save Children" фондига топширган. ОАВнинг маълумотига кўра, Криштиану 5 млн евродан кўпроқ пулдан воз кечган.

7. Онкологик марказга ёрдам берган

Криштианунинг онаси Долорес Авейру 2007 йилда кўкрак бези саратонини енгиб ўтди. Шу боис, Роналду онасини даволаган клиниканинг шифокорларига миннатдорчилик билдиришга қарор қилди ва Португалияда жойлашган ушбу онкология марказини ривожлантириш учун 135 минг фунт хайрия қилди.

8. Етимларга ғамхўрлик қилиш

Ўз жонига суиқасд қилиш натижасида ўлган ота-онанинг фарзанди, ёш ливанлик "Реал" мухлиси Хайдар Роналду билан учрашиш имкониятига эга бўлди. Бунда маҳаллий муҳбирлар Хайдарнинг ота-онаси билан боғлиқ бўлган вазият кенг тарқалиши мақсадида ижтимоий тармоқларда эълон қилишган ва "қаймоқранглилар" раҳбарияти бундан хабар топиб, Роналду ўша болакай билан кўришиши учун ижозат беришган.

9. Ўлим азобида ётган мухлисга ёрдам

9 ёшли Нухузет Гилбеннинг тарихини ўрганиш натижасида шу маълум бўлдики, у 2009 йилда даволаб бўлмайдиган оқ қон касаллигига учраган. Криштиану бу ҳақда билганидан кейин шахсий ҳайдовчисини болакайнинг оиласини "Реал" клуби истиқомат қилаётган меҳмонҳонага олиб келиши учун юборган. Лифтдан чиқишда, футболчи ўсмир болакайга ҳазиллашганди: "Бирор нарса дейишни истамайсанми?" Шундан сўнг, Роналду Гухузетни "Сантьяго Бернабеу"да бўладиган ўйинга таклиф қилди ва урган голини унга бағишлади. Отаси билан бўлган суҳбат Роналдуга, болакайнинг даволаниши учун имконият камлиги, шундай бўлса ҳам АҚШда уриниб кўриш кераклигини билдирди ва Рони тўловни ўз зиммасига олди. Нухузетнинг ҳолати ёмонлашганида, Роналду унинг барча дори-дармонлари ва ҳусусий тиббиёт марказида даволаниш харажатларини (100 минг фунт) тўлашни таклиф қилди. Шундай қилиб, 2013 йил март ойи болакай вафот этгунига қадар Криштиану 1 йил мобайнида боланинг оиласига ёрдам берган.

10. Криштиану мухлислари билан очиқкўнгил

Албатта, Роналду ҳам унинг мухлислари ёнига расмга тушиш, дасҳат олиш мақсадида ёпирилиб келишганида, бироз ноқулай ҳолатга тушиб қолади. Лекин, у ўз мухлисларини рад этмайдиган ва четлаб ўтмайдиган футболчилардан бири ҳисобланади. Португалиялик тез-тез югуриб келган ишқибозларни расмга тушиш ва футболкасини совға қилиш орқали қўриқчилардан сақлаб қолади. Роналду шунингдек мухлислар билан гаплашишни, футболкасини улашиш ва селфига тушишни канда қилмайди, яхши кўради.

Давоми бор...

Нодир Абдурасулов таржима қилди

Португалиялик футболчи ҳақида фикрингизни ўзгартирадиган Роналдунинг 18 та ҳаётий воқеаси (1-қисм)