Унда жамоамизнинг айрим футболчилари ва мухлислар клуби вакиллари иштирок этишди.

Тадбир аввалида “Қўқон-1912” футбол клуби вице-президенти, бош директори Бахтиёр Толипов сўзга чиқиб, янги бош мураббийни таништиришди ва жамоанинг кейинги режалари хусусида тўхталиб ўтишди.

Мана қарийиб бир ойдан бери “Қўқон-1912” жамоасига ким бош мураббий бўлиши борасидаги савол кундаланг турганди. Ниҳоят, икки кун олдин бу масалага ойдинлик киритилди. Жамоамизга Муроджон Исмоилов бош мураббий этиб тайинланди. Янги мавсумга тайёргарликни 17 декабрдан бошлаймиз. 28 декабрь куни катта тадбир ўтказиш режалаштирилган. Айнан шу куни кўп саволларга жавоб топилади.

Шундан кейин сўз навбати клубнинг янги бош мурабббийи Муроджон Исмоиловга берилди.

“Қўқон-1912” жамоасидан тушган таклиф мен учун янги чақириқ бўлди. Қўқон футболи буюк тарихига эга. Бу ердаги футболга бўлган муносабат ҳам бошқача. Клуб раҳбарлари, мухлислар ишончини оқлашга ҳаракат қиламиз", деди мураббий.

Мухлислардан бирининг “жамоага янги футболчилар таклиф этиладими?” деган саволга Мурод Музаффарович қуйидагича жавоб қайтарди:

"Албатта ҳар бир мураббийининг ўз қараши бор. Аввало жамоада ўйнаган футболчилар билан гаплашиб кўрамиз. Кейин қайси чизиқларни кучайтириш лозим бўлса, ўша чизиқларга янги футболчиларни таклиф этамиз. Кўз остимга олиб қўйган футболчилар ҳам бор. Лекин улар борасида ҳозир бир нарса дея олмайман".

"Қўқон-1912" Муроджон Исмоиловни янги мураббий сифатида таништирди