Ўзбекистон U-23 терма жамоаси гуруҳдаги охирги учрашувни Уммонга қарши ўтказиб, 1:0 ҳисобида ғалаба қозонди. Ушбу ғалаба вакилларимизни иккинчи ўрин билан чорак финалга чиқишини таъминлади. Ўйиндан кейинги матбуот анжуманида бош мураббий Равшан Ҳайдаров шундай деди:

- "Бугун жуда қийин ва мураккаб баҳсни ўтказдик. Гарчи чиройли ўйин кўрсатмаган бўлсак-да, ғалаба қозондик. Биринчи ўйиндаги мағлубиятдан сўнг вазиятни ўзгартира олдик ва кейинги иккита беллашувда ғалабага эришдик".

- "Мен шогирдларимга ҳали имконият борлигини охиригача уқтирдим, бу эса ўз самарасини берди. Уммон тўпни яхши назорат қилди. Биз биринчи таймда қарши ҳужумда ўйнадик. Лекин иккинчи таймда устунлик биз томонга ўтди, қолаверса тактикани ҳам ўзгартирдик".

Равшан Ҳайдаров: "Чиройли ўйин кўрсатмаган бўлсак ҳам ғалаба қозондик"