"Real", "Milan" va "Manchester Siti" klublari sobiq futbolchisi Robino jamoaviy zo'rlashda ishtirok etgani uchun 9 yilga ozodlikdan mahrum etildi. Futbolchi jazo muddatini Braziliyada o'taydi, deb xabar bermoqda CNN.

Italiya sudi Robinoni 2013 yilda sodir bo'lgan mudhish voqeada aybdor deb topdi. Italiyaliklar Braziliya TIVga murojaat qilib, futbolchining jazoni o'z mamlakatida o'tashini so'rashgan.

21 mart kuni sud majlisi bo'lib o'tdi, unda bu iltimos ko'rib chiqildi va Robino jazosini Braziliya qamoqxonasida o'tashiga qaror qilindi. Futbolchining himoyasi mamlakat Federal oliy sudiga shikoyat qilishi mumkin.

"Real" va "Milan" jamoalari sobiq futbolchisi qamoq jazosini Braziliyada o'taydi