O'yin haqida

- Bugungi o'yin yuqori tempda o'tmadi. Bunga balki jamoalardagi charchoq va havoning issiqligi sabab bo'lgandir. Shunga qaramay har ikki jamoada ham vaziyatlar bo'ldi. Negadir ikki jamoa ham o'ta ehtiyotkor harakat qildi. Biz albatta bu natijadan qoniqish hosil qilmaymiz. Biroq hozirgi charchoq va yo'qotishlar ortidan bugungi o'yinda bundan ham yomonroq natija qayd etilishi mumkin edi.

- "Neftchi"ga qarshi o'yindagi jismoniy charchoq bugungi o'yinga ham tasir ko'rsatdi deb o'ylaysizmi?

- Bu albatta sezildi, aytib o'tdim. Yo'qotishlar bor, oxirgi o'yinlarda bir tarkib bilan harakat qilishga majbur bo'ldik. Shunga qaramay o'zgarishlar qildik, biroq bu kutilgan natijani bermadi. Jarohatlar haqida gapirmayman, bizda yo'qotishlar ko'p. Masalan, xuddi shunaqa sabab bugungi o'yinda Akmal Mozgovoy ham qatnasha olmadi. Hujum chizig'ida ham muammolarimiz bor.

- Oldingi chiziqda faollik yo'qolib qolgandek. Bu bosim bilan bog'liq emasmikan?

- Biz yigitlarni bosimsiz o'ynatishga harakat qilayapmiz. Lekin maydondagi o'zaro aloqalarni ham buzilib qolganligi ko'zga tashlanayapti. Oybek ham yo'q hozir, bog'lamlarda qiyinchiliklarga duch kelayapmiz. Qanotlar bo'yicha etirozlarimiz bor.

Ro'ziqul Berdiev: "Yo'qotishlar va charchoq jamoamiz natijalariga tasir ko'rsatayapti"