Bugun muxlislar uchun haqiqiy futbol bayrami bo'ldi. Qarshida har doim kuchli jamoa bo'lgan. Osiyo chempionlar ligasi darajasidagi o'yin guvohiga aylandik. O'yinda g'alaba qozonib turib, uch ochkoni qo'ldan boy berdik. Lekin durang natijasidan qoniqdim. Bugun futbolchilarim men bergan ko'rsatmalarni 100 foiz emas, 99 foizga bajarishdi. Agarda 100 foizga bajarishganida, biz bugun g'alaba qozonardik.

Qarshilik futbol ishqibozlarini aloxida ajratib ko'rsatmoqchiman. Ular bugun o'z jamoalarini juda chiroyli tarzda qo'llab-quvvatlashdi. Odatda futbol muxlislari jamoaning 12-futbolchisi hisoblanishadi. Lekin men "Nasaf" ishqibozlarini 12 emas, balki 13 va 14 futbolchi deb hisoblardim. Bugun ular ajoyib tarzda muxlislik qilishdi. Men ham bizning o'yinlarda ham shu qadar ko'p muxlislar tashrif buyurib, stadionni to'ldirib o'tirishlarini orzu qilaman.

Yana shuni qo'shimcha qilishni istardimki, Qarshilik muxlislar hali bu jamoa bilan ko'plab g'alabalarni nishonlashadi. Ular bunga haqlilar.

Samvel Babayan: "Bizning o'yinlarda ham shu qadar ko'p muxlislar tashrif buyurishini orzu qilaman"