Amalda “qaldirg'ochlar” bronza medallarini o'ziniki qilish uchun juda yaqin keldi. Kechagi g'alabadan so'ng zaxiradan maydonga tushgan Sanjar Tursunovga ayrim o'zimizni qiziqtirgan savollar bilan yuzlandik.

- Avvalo o'yin haqida qisqacha to'xtalib o'tsangiz...
- Birinchi bo'lim to'liqligicha bizniki bo'ldi deb o'ylayman. Hisobda oldinda boryotgan edik. Raqibimiz ikkinchi bo'limni bir muncha yaxshiroq o'tkazdi. Natijada oradagi farqni tenglashtirdi. Bizga g'alaba suv va havodek zarur edi, shu bois ko'proq hujum qilishga harakat qildik.

- “Paxtakor” jamoasida tajribali va mahoratli o'yinchilar etarli edi. Bugungi g'alaba nimaning evaziga qo'lga kiritildi? Balki ishtiyoq sababdir...
- Shunday desak ham bo'ladi. “Paxtakor” yurtimizning hozirgi kundagi chempioni. Bekordan bekorga ular birinchi o'rinni olishmadi. Murabbiyning ko'rsatmalarini to'g'ri bajarganimiz va oxirgacha g'alab ilinjida to'p tepganimiz foydamizga ishladi.

- Zaxiradan maydonga tushayotganingizda Vadim Abramovdan qanday ko'rsatmalar oldingiz?
- Tablodagi hisob 2:2 edi. Bizni faqat g'alaba qanoatlantirardi. Himoyani esdan chiqarmagan holda , orqaroqda harakatlanshimni aytishdi.

- Keyingi turda ham jamoa xuddi bugungidek harakat qila oladimi?
- Biz har bir o'yinda g'alaba uchun maydonga tushamiz. “Sug'diyona” bilan uchrashuvda g'alaba va o'zimiz uchun kerakli bo'lgan natija uchun to'p tepamiz.

Abdulaziz Iskandarov suhbatlashdi

Sanjar Tursunov: "Sug'diyona" bilan uchrashuvda g'alaba va o'zimiz uchun kerakli bo'lgan natija uchun to'p tepamiz"