- Klublar o'rtasidagi Jahon chempionatida sizni maydonga tushishingizni intizorlik bilan kutgandik. Lekin murabbiy buni sizga ravo ko'rmadi. Asosan zaxirada qolib ketaverdingiz. Ammo ushbu o'yinlarni o'z ko'zingiz bilan ko'rdingiz. Undagi muhit qanday ekan?
- Yaxshi taassurot qoldirdi. Rosti, "Real"ga qarshi o'yinni maza qilib tomosha qildim. Futbol yulduzlarini yaqindan ko'rish boshqacha bo'lar ekan. Bu boshqa futbol. O'sha o'yinda "Al Jazira" g'alaba qozonishi ham mumkin edi. Lekin "Real" oxirgi daqiqalarda bizdan g'alabani tortib olgandi.

- O'yindan keyin "Real" yulduzlari bilan suhbatlashish uchun imkon bo'lganmidi?
- Ha, o'yindan keyin Ronaldu bilan gaplashdim. Krishtianuning hol ahvoli bilan qiziqdik va so'ngra uning futbolkasini so'radim. Lekin bu menga nasib qilmasligini sezib turgandim. Chindan ham mendan oldin futbolkani so'rab bo'lgan ekan. Rostini aytsam, rasmlarda va televizorda juda baquvvat ko'rinadi. Lekin yaqindan qaraganimizda o'zimizni yigitlar kabi. Xatto, yakkama yakka suhbatimizda uning elkasi menikidan biroz pastroqdek tuyuldi.

- Chempionlar ligasi finalida kimning imkoniyatini qanday baholaysiz?
- Finalda "Real"ni favorit deb o'ylayman. Lekin "Liverpul" ham kuchli raqib. Qani ko'ramiz, nima bo'larkin? Ammo "Real" kuchliroq.

- Jahon chempionatida kimga muxlislik qilasiz?
- Argentinaga.

- Messi borligi uchunmi?
- Ha, shunday.

- U holda siz uchun kim kuchli: Messimi yoki Ronaldu?
- Hech birini tanlamayman. Ikkalasi ham men uchun bir xil, - deydi Sardor Rashidov "Futbol Ekspress" gazetasiga.

Sardor Rashidov: "Ronaldu rasmlarda va televizorda juda baquvvat ko'rinadi, lekin..."