"Qiziqarli jangovar o'yin guvohi bo'ldik. Stadionga kelgan muxlislar ham aslo zerikib qolishmadi. O'ylashimcha, bugungi shiddatli bahs barchaga manzur keldi. Bugungi o'yinda hammani maqtay olaman. Biz raqibni sinchiklab o'rganib chiqqandik. Ularning o'yin uslubini o'zlashtirib, shunga qarab tayyorlandik. Ikkinchi bo'limda ular birgina to'p oshirmadan boshqa hech narsasi bilan yodimda qolmadi. Birinchi bo'limda Eldorbek Suyunov jamoani qutqardi. Umuman olganda juda ham muhim g'alabani qo'lga kiritdik.

Rostin Griffits? Unda kichik jarohat bor edi. Shu boisdan ham oxirgi uchrashuvlarda maydonga tushmayotgan edi. Shuningdek, jamoadagi raqobat ham hech qaysi futbolchiga asosiy tarkibga kirishiga kafolat bermaydi. Biz faqatgina ular bilan tuzgan shartnomaga kafolat beramiz. Boshlang'ich tarkibga kirish uchun esa raqobatni engib o'tish kerak.

Gonsalvesh? Uning o'yini meni mutlaqo qoniqtirmoqda. Safarda bizga eng katta noqulaylik bo'layotgan jihat, bu maydonning holati. Shuningdek, har qanday jamoa safarda o'ynashga qiynaladi.

“Bunyodkor” – “Lokomotiv” o'yinida kimga omad tilayman? Men faqat “Paxtakor”ga omad tilayman. Ertangi o'yinda hech kimga muxlislik qilmayman. Chunki, men faqat “Paxtakor”ga ishqibozlik qilaman. Qolgani meni qiziqtirmaydi", - deydi Shota Arveladze.

Tiago Bezerra: "O'tgan turda safardagi g'alaba bizni yanada ruhlantirdi. Bugungi o'yinda keskin kurash kechdi. “Navbahor”ga o'tgan mavsumda mag'lub bo'lgan edik. Bugun esa qiymati yuqori bo'lgan g'alabani qo'lga kiritdik".

Shota Arveladze: "Bunyodkor" – "Lokomotiv" uchrashuvida hech kimga muxlislik qilmayman"