Gap shundaki, farg'onaliklar 15 oktyabr kuni o'z maydonida “Paxtakor”ni qabul qiladi. Ushbu jamoalar o'rtasidagi to'qnashuv esa oldindan “o'zbek klassikosi” deb nomlanib keladi. “Neftchi” jamoasining ishongan futbolchilaridan biri – Shukur Po'latovdan esa muxlislarning umidi katta. U har safar maydonda jonbozlik ko'rsatmoqda. Iqtidorli himoyachi muhim bahs oldidan o'z fikrlari bilan o'rtoqlashdi.

- “Paxtakor”ga qarshi o'yinimiz har doim qiyin bo'lgan, - deydi Po'latov. - Rostini aytsam, “Paxtakor”ga qaraganda biz oxirgi o'yinlardagi muvaffaqiyatsizliklar sababli ruhiy tomondan oqsayapmiz. O'z uyimizda o'ynaymiz, yo'qotadigan ochkolarimizni yo'qotib bo'ldik. Ha, oldimizda turgan uchrashuv qiyin bo'ladi. Ammo “Paxtakor”ga qarshi yaxshi tayyorgarlik ko'ryapmiz deb o'ylayman. Jarohat olgan o'yinchilarimiz bor va ularning o'yinga qadar sog'ayib ketishadi degan umiddamiz. O'z maydonimizda amaldagi chempionni engish uchun oxirigacha harakat qilamiz. Futbolda g'alaba qozonish uchun bir-ikkita o'yinchi bilan emas, balki butun jamoa bilan erishiladi. Bilib turibmiz, “Paxtakor”ga ham g'alaba kerak. Ular kuchli uchlikka kirishga harakat qilishyapti. Lekin bizning ham boshqa ochko yo'qotishga haqqimiz yo'q. G'alaba qozonmasak bo'lmaydi” – deydi Po'latov “Futbol Ekspress” nashriga bergan intervyusida.

Shukur Po'latov: “Endi biz uchun har bir o'yin finalga teng”