Britaniyaning eng katta derbisi yakshanba, 24 fevral kuni bo'lib o'tadi.

"Bu ular uchun ham, biz uchun ham muhim o'yin. Biz top-4da bo'lishni xohlaymiz. Biz "Liverpul" bilan o'ynaymiz va bu qarama-qarshilik "Manchester Yunayted" uchun, muxlislar uchun, klub uchun qanchalik muhim ekanligini bilamiz. Jamoamiz uchun chaqiruv kutayapmiz.

Biz MYU tarixi uchun munosib bo'ladigan jamoa qurmoqchimiz. Agar ularni uyda mag'lub eta olsak, bu yangi qadam bo'lishi mumkin. "Tottenxem", "Arsenal" va "Chelsi"ni safarda engish ajoyib. Lekin, o'zimizni uyda ham ko'rsatishimiz kerak.

Chempionlik poygasi "Liverpul", "Siti" va "Tottenxem" o'rtasida? Men boshqa jamoalar va ularning ishi haqida o'ylamayman. Men o'z jamoam haqida, kurashda bo'lish uchun nima qilish kerakligi haqida o'ylayman.

Birinchi o'rin uchun kurash 3 jamoa o'rtasida kechmoqda, to'rtinchi pog'ona uchun ham shuncha klub bellashmoqda. Maqsadimiz - oldindagi o'yin. Men "Tottenxem" chempion bo'lishini xohlaymanmi? Bu haqda alohida o'ylab ko'rmayman. Balki!

Bizni qiyin bahs kutib turganini bilamiz. Ular bu mavsum g'aroyib o'ynashmoqda. Lekin, ular "Old Trafford"da to'p tepish qiyinligini bilishadi. O'ylashimcha, ular bizga, biz esa ularga hurmat ko'rsatamiz.

"Liverpul"ga qarshi PSJ bilan o'yinga qaraganda yaxshiroq o'ynashimizni xohlayman. Bu bizning maqsad. Bu top raqibga qarshi muhim o'yin. PSJ bilan o'yin tajribasidan to'g'ri xulosa chiqarishimiz va butun bellashuv davomida o'yinda qolishimiz kerak", - deya Sulsherning so'zlarini keltirdi MYU rasmiy sayti.

Sulsher: "Liverpul"ga qarshi PSJ bilan bahsga qaraganda yaxshiroq o'ynashimizni xohlayman"