12 iyul xolatiga kelib dasturdan o'rin egallagan 27 turdan 7 tasi nihoyasiga etdi. Bugun engil atletika, suvga sakrash, og'ir atletika, qilichbozlik va shaxmat kabi sport turlarida ham so'nggi musobaqalar o'tkaziladi.

Bugun Universiada o'yinlarining ettinchi kuni biz faqatgina og'ir atletika musobaqalarida hamyurtimiz, jahon chempionati sovrindori Ruslan Nurudinovning ishtirokini kuzatamiz. Ruslan og'irlik vazni 105 kg.gacha bo'lgan polvonlar musobaqasining “A” guruhida Vatanimiz sharafini himoya qiladi.

Ayni paytga kelib, O'zbekiston delegaciyasi hisobida 1 ta oltin, 7 ta kumush hamda 8 ta bronza medallari mavjud va delegaciyamiz norasmiy umumjamoa hisobida 162 davlat orasida 21 – o'rinda, medallar soniga ko'ra esa 7 – o'rinda borishmoqda.

Malumki, Universiada o'yinlari dasturidan o'rin olgan baydarka va kanoeda eshkak eshish (13 – iyuldan boshlanadi), badiiy gimnastika, Regbi-7, yunon-rum kurashi hamda sambo (14 – iyuldan boshlanadi) sport turlari bo'yicha musobaqalarga hali start berilganicha yo'q.

Bugun erta tongda yunon-rum kurashi, badiiy gimnastika va sambo bo'yicha mamlakatimiz terma jamoasi azolari Universiada o'yinlarida ishtirok etish uchun Qozon shahriga jo'nab ketdilar. Ular orasida birinchi bo'lib musobaqalarga baydarka va kanoeda eshkak eshish bo'yicha terma jamoamiz azolari (13 – iyulda) kirishadilar. 14 – iyuldan sambo hamda badiiy gimnastikachimiz, 15 – iyuldan esa yunon-rum kurashi bo'yicha terma jamoamiz vakillari bahslarni boshlaydilar.

Quyida XXVII Butunjahon Universiada o'yinlarida sovrindor bo'lgan yurtimiz sportchilari berilgan:
Oltin – Hasanboy Do'stmatov (-49 kg, boks)

Kumush – Yahyo Imomov (-81 kg, dzyudo)
Kumush – Zaylobiddin Ortiqov (-80 kg, belbog'li kurash, klassik usul)
Kumush – Fazliddin G'oipnazarov (-60 kg, boks)
Kumush – Xurshidbek Normatov (-69 kg, boks)
Kumush – Azizbek Abdug'ofurov (-75 kg, boks)
Kumush – Rustam To'laganov (-91 kg, boks)
Kumush – Ulug'bek Alimov (-77 kg, og'ir atletika)

Bronza – Zaylobiddin Ortiqov (-75 kg, belbog'li kurash, erkin usul)
Bronza – Nozimjon Ibrohimjonov (-90 kg, belbog'li kurash, erkin usul)
Bronza – Zamira Ahmedova (-52 kg, belbog'li kurash, erkin usul)
Bronza – Soyib Qurbonov (-100 kg, dzyudo)
Bronza – Jasurbek Latipov (-52 kg, boks)
Bronza – Elshod Rasulov (-81 kg, boks)
Bronza – Mirzohidjon Abdullaev (+91 kg, boks)
Bronza – Manzuraxon Mamasolieva (-69 kg, og'ir atletika)

Universiada-2013. Bugun faqatgina Ruslan Nurudinov ishtirokini kuzatamiz