Bularning barchasi hamyurtlarimizga unutilmas taassurotlarni, bayramona kayfiyatni tuhfa etmoqda.

Jumladan, Urganch shahridagi “Yoshlik” sport majmuasi o'yingohida o'smirlar o'rtasida bo'lib o'tgan “Navro'z-2019” musobaqasi ham yosh futbolchilarga quvonchli lahzalarni ulashdi.
Xorazm viloyati jismoniy tarbiya va sport boshqarmasi, O'zbekiston yoshlar ittifoqi viloyat kengashi hamda Sport o'yinlari va engil atletikaga ixtisoslashtirilgan bolalar-o'smirlar sport maktabi hamkorligida tashkil etilgan mazkur birinchilikda vohaning 12 ta jamoasi qatnashdi. Avvaliga, uchrashuvlar uch guruhda olib borildi.

“A” guruhi
“Dinamo”(Urganch sh.) – “Gurlan”(Gurlan tumani) – 1:2, “Jayhun”(Urganch sh.) – “Lochin”(Urganch tumani) – 2:1, “Jayhun”– “Dinamo” – 2:0, “Lochin” – “Gurlan” – 2:0, “Dinamo” – “Lochin” – 0:2, “Gurlan” – “Jayhun” – 0:1.
1.“Jayhun”–9 ochko. 2.“Lochin”–6 ochko. 3.“Gurlan”–3 ochko. 4.“Dinamo”–3 ochko.

“B” guruhi
BO'SM(Qo'shko'pir tumani) –“Yoshlik”(Urganch sh.) – 0:1, “Bog'ot”(Bog'ot tumani) – “Binokor”(Urganch sh.) – 3:0, “Bog'ot” – BO'SM – 0:1, “Binokor” – “Yoshlik” – 1:3, BO'SM – “Binokor” – 1:3, “Yoshlik” – “Bog'ot” – 3:0.
1.“Yoshlik”–9 ochko. 2.“Bog'ot”–3 ochko. 3. BO'SM–3 ochko. 4.“Binokor”–3 ochko.

“C” guruhi
“Yangibozor”(Yangibozor tumani) – BO'SM(Yangibozor tumani) – 3:1, “Navro'z”(Urganch sh.) – “Olimpiya”(Urganch sh.) – 0:0, “Navro'z” – “Yangibozor” – 1:0, “Olimpiya” – BO'SM – 0:1, “Yangibozor” – “Olimpiya” – 2:1, BO'SM – “Navro'z” – 0:5.
1.“Navro'z”–7 ochko. 2.“Yangibozor”–6 ochko. 3. BO'SM–3 ochko. 4.“Olimpiya”–1 ochko.

O'z navbatida guruh g'oliblari va eng yaxshi natijaga erishgan bitta ikkinchi o'rin egasi yarim finalda kuch sinashdi.

Yarim final
“Yoshlik”(SO'EAIBO'SM, Urganch sh.) – “Jayhun”(Urganch sh.) – 3:0.
“Lochin”(Urganch tumani) – “Navro'z”(Urganch sh.) – 1:0.

Final uchrashuvida Sport o'yinlari va engil atletikaga ixtisoslashtirilgan bolalar-o'smirlar sport maktabining “Yoshlik” jamoasining yosh futbolchilari Urganch tumanining “Lochin” jamoasidagi tengdoshlarini 4:2 hisobida mag'lubiyatga uchratishdi. Natijada, “Lochin” ikkinchi o'rin bilan kifoyalandi. Yarim final ishtirokchilari - “Jayhun” va“Navro'z” jamoalari uchinchi o'rindan joy olishdi.

Ikrom XUDOYBERGANOV.

Urganchda o'tgan “Navro'z-2019” musobaqasi yoshlarga quvonch ulashdi