Vesko Steshevich: "Yigitlarimiz bugun yaxshi harakat qilishdi. Menimcha, birinchi bo'limda yomon ko'rinmadik. Ikkinchi taymda bazi o'zgarishlar amalga oshirdik va hisobni tenglashtirishimiz mumkin edi. Yigitlar shu ruhda o'ynashda davom etsa, ko'p ochko to'play olamiz. Raqibni g'alaba bilan tabriklayman. Ular bizga qarshi o'yinda hisobda oldinda borib, vaqtni cho'zmagan yagona jamoa bo'ldi. Ularga omad tilayman."

- "Metallurg" bugun yaxshi o'yin namoyish etdi. Gol urish uchun jamoaga nima etishmadi?

- Bazida so'nggi pas noaniq bo'ldi, bazida to'g'ri qaror qabul qila olmadik.

- Ushbu o'yinda "Surxon"dagi scenariy takrorlandi. Bugungi va o'sha bahs o'rtasida qanday farq bor? Ayni damda "Metallurg" qanday futbolni qurishga harakat qilyapti?

- "Surxon"ga qarshi bahs boshqacharoq o'tgandi. O'sha bahsda o'yinni yomon boshlaganmiz. O'yinimiz raqibga va tarkibimizning holatiga bog'liq.

- O'rinboev o'yini haqida nima deya olasiz? Siz uni qayta kashf qildingiz.

- Zabihillo O'rinboev "Metallurg" futbolchisi ekanidan xursandman. U inson va futbolchi sifatida o'zini yaxshi tomondan namoyish etmoqda. Zabihillo oxirigacha kurashadi. O'rinboev shu ruhda davom etsa, kelajakda yanada ko'proq gol urishi mumkin. Uning o'yinida hech narsani o'zgartirmadim. Uning o'zi o'zgardi. Zabihillo shunchaki ko'rsatmalarimizni bajarmoqda.

Vesko Steshevich: "Paxtakor" - bizga qarshi o'yinda hisobda oldinda borib, vaqtni cho'zmagan yagona jamoa bo'ldi"