Кечадан бошлаб Урганч шаҳрида "Машъал" футбол клуби ўзиниг академияси филиалини очди. Хоразм вилояти мутассаддилари ва "Машъал" ПФК ҳамда "Хоразм" ПФК раҳбарияти иштирок этган тадбирда расман Муборак жамоаси клубининг академияси филиали ўз ишини бошлади.

Таъкидлаб ўтиш жоизки "Машъал" ПФК Муборакдаги академияси ўз фаолиятини вақтинча тўхтатган эди. Яқин кунлар ичида Муборакдаги мазкур академия яна ўз фаолиятини юритади. Жамоа раҳбари Илхом Қурбонов бу борада ўз фикрларни билдириб ўтди.

"Машъал" жамоамиз ўз олдига бу йил кучлилар сафига қайтиш мақсадини қўйган. Шу сабаб биз бир муддат Муборакдаги академияни тўхтатишга қарор қилган эдик. Яқин кунлар ичида биз яна барча йўналишларимиз бўйлаб фаолиятимизни давом эттирамиз. Мана бугун "Хоразм"да ҳам жамоамиз академиясини очдик. Ўйлаймизки бу ўзбек футболи учун олдинга ташланган катта қадам", - дея таъкилайди клуб ижрочи директори Илҳом Қурбонов.

Эътиборли томони шундаки, Муборакдаги академия яна фаолият юритади. Бу эса барчани бирдек қувонтиради, шундай экан Хоразмдан ҳам, Элдор Шомуродов, Отабек Шукуров, Фозил Мусаев, Фаррух Сайфиев, Санжар Қувватов, Элдорбек Суюнов каби юлдузлар етишиб чиқишига тилакдошмиз.

"Машъал" матбуот хизмати

Хоразмда "Машъал" футбол академиясининг филиали очилди