MORENO TORRICHELLI

Torrichelli futboldagi professional faoliyatini 22 yoshida boshlagan. U “Yuventus”, “Espanol”, “Arecco” jamoalarida to'p tepgan. Italiya terma jamoasida 10ta uchrashuvda maydonga tushgan.

Erishgan yutuqlari: UEFA kubogi sohibi (1993), Italiya chempioni (1995, 1997, 1998), Italiya kubogi sohibi (2991, 2001), Italiya superkubogi sohibi (1995), ECHL sohibi (1996), Evropa superkubogi sohibi (1996), qitalararo kubok sohibi (1996).

PATRIK MBOMA

Patrik Mboma futboldagi professional faoliyatini 23 yoshida boshlagan. Mboma shu kungacha “PSJ”, “Shatoru”, “Mec”, “Gamba Osaka”, “Kalyari”, “Parma”, “Sanderlend”, “Al Ittixod”, “Tokio Verdi”, “Vissel Kobe”, jamoalarida faoliyat olib borgan. Kamerun terma jamoasida 56 uchrashuv o'tkazib raqiblar darvozasini 33 bor ishg'ol qilgan.

Erishgan yutuqlari: Olimpiya o'yinlari sohibi (2000), Afrika chempioni (2000, 2002), Franciya liga kubogi sohibi (1996), Afrikaning eng yaxshi futbolchisi (2000), Yaponiya chempionatining eng yaxshi to'purari (1997).

PETER SHMEYXEL

Tajribali darvozabon futboldagi professional faoliyatini 18 yoshida boshlagan. Katta Shmeyxel faoliyati davomida "Gladsakse", "Vidovre", "Brondbyu", "Manchester Yunayted", "Sporting", "Aston Villa", "Manchester Siti" kabi jamoalar sharafini himoya qilgan. Daniya terma jamoasi safida 129 uchrashuv o'tkazgan.

Erishgan yutuqlari: Evropa chempioni (1992), Kubok egalari kubogi sohibi (1991), Chempionlar ligasi sohibi (1999), Qitalararo kubogi sohibi (1999), Evropa superkubogi sohibi (1991), Intertoto kubogi sohibi (2001), Daniya chempioni (1987, 1998, 1990, 1991), Daniya (1989), Angliya chempioni (1993, 1994, 1996, 1997, 1999), Angliya kubogi sohibi (1994, 1996, 1999), Angliya futbol ligasi kubogi sohibi (1992), Angliya superkubogi sohibi (1993, 1994, 1996, 1997), Fadxa qirol kubogi sohibi (1995), Portugaliya chempioni (2000), UEFA talqinida Evropaning eng yaxshi darvozaboni (1992, 1993, 1997, 1999).

ARNE FRIDRIX

Arne Fridrix futboldagi professional faoliyatini 21 yoshida boshlagan. Faoliyatida davomida "Ferl", "Arminiya (Bilefeld)", "Gerta", "Volfsburg", "Chikago Fayr" jamoalarida to'p tepgan. Futbolchi olgan jarohati butsalarini mixga ilgan. Fridrix Germaniya terma jamoasi safida 82 marotaba maydonga tushgan va raqiblar darvozasini 1 marotaba ishg'ol qilgan.

GRAFITE

Grafite nomi bilan tanilgan Edinaldo Batista Libano futboldagi professional faoliyatini 20 yoshida boshlagan. Grafite shu kungacha “Matonense”, Ferroviario”, “Santa-Krus”, “Gremio”, “Seul”, “Goyas”, “San-Paulu”, “Le-Man”, “Volfsburg”, “Al-Axli”, “Al-Sadd”, “Santa-Krus”, “Atletiko Paranaense”, jamoalarida to'p tepgan. Ayni damda Grafite o'ziga tanish bo'lgan “Santa-Krus” jamoasida faoliyatini davom ettirmoqda. Grafite Braziliya terma jamoasi safida 4 uchrashuv o'tkazgan va 1 marotaba raqiblar darvozasini ishg'ol qilgan.

Erishgan yutuqlari: Goyan ligasi g'olibi (2003), Paulista ligasi g'olibi (2005), Libertadores kubogi sohibi (2005), Klublar o'rtasida jahon chempionati g'olibi (2005), Bundesliga g'olibi (2009).

Zayniddin Tojiev

Zayniddin Faxriddinovich Tojiev ko'pchilikka “Paxtakor”dagi yorqin o'yinlari bilan tanish. Tojievlarning to'ng'ichi futboldagi professional faoliyatini 24 yoshida Toshkentning “Akademiya” jamoasida boshlagan. Shu kungacha Zayniddin Tojiev “Paxtakor”, “Esil Bogatir” (Qozog'iston), “Saba Batteri”, “Tyanczin Teda” (Xitoy), “Sho'rtan”, “Ordabasi” (Qozog'iston), “Lokomotiv” (Toshkent), “Neftchi” (Farg'ona), “Buxoro” va “Dinamo” (Samarqand) jamoalarida faoliyat olib borgan. Tojiev O'zbekiston milliy terma jamoasida 18 uchrashuvda maydonga tushgan va raqiblar darvozasini 3 marotaba ishg'ol qilgan.

Zayniddin Tojiev ayni damda Toshkentning “JFL-Tashkent” futbol maktabida futbolga ilk qadamlarini qo'ygan bolakaylarga futbol sir-asrorlarini o'rgatib kelmoqda.

Yulduz futbolchilar necha yoshidan professional faoliyatini boshlashgan?