Ispaniya terma jamoasi har doim katta musobaqalarda favoritlar qatoridan o'rin olib keladi. Har doim etakchichilar safida tilga olinadigan bu jamoa o'zining oltin davrini 2008 yildan boshlagan. Aynan o'sha yili Ispaniya Evropada tengsiz bo'lgan. Bu nomga erishishiga jamoaning o'sha paytdagi bosh murabbiyi Luis Aragonesning xizmatlari beqiyos bo'lgan.Ushbu mutaxassis juda katta tanaffusdan so'ng, jamoani yuqori pog'onaga olib chiqishda jonbozlik ko'rsatgan.

Luis Aragones shu yili hayotdan ko'z yumdi. Aragones Ispaniya futboli ishqibozlari qalbidan joy olishga erishgandi. Nihoyat katta tanaffusdan kefin Ispaniya evropada tengsiz bo'ldi va keyinchalik jamoa boshqaruvi Visente Del Boske qo'liga o'tadi. Ushbu tajribali murabbiy jamoani 2010 yili JARda bo'lib o'tgan mundialga yaxshi tayyorlay oldi va jamoani Jahonda ham etakchi bo'lishini taminlay olgandi. Shundan so'ng jamoa navbatdagi katta turnirda ham bosh sovrinni o'ziniki qilib oladi. 2012 yil Polsha va Ukrainada bo'lib o'tgan Evropa chempionatida Visente Del Boske shogirdlari Evropa chempioni nomini munosib himoya eta olishdi. Bunday yuksak natijani hozircha hech bir terma jamoa uddalay olganicha yo'q. Ketma-ket uchta yirik musobaqada tengsiz bo'lish esa hazilakam ish emas.

Endi ko'pchilikni bir narsa qiziqtiradi. Bu Ispaniya Evropa chempioni nomini munosib himoya eta olganidek, Jahon chempionligini ham himoya eta oladimi? Yoki amaldagi jahon va Evropa chempioni bu safar bosh tojni boshqaga beradimi? Bu hozirda ko'pchilikni qiziqtirib turgan eng asosiy masala.

ispaniya futbolining yangi tarixini yaratgan futbolchilar deb Iker Kasilyas, Andreas Inesta, Karles Puyol, Fernando Torres, Xavi, Xabi Alonso, Pike, Ramos kabi charm to'p ustalarini aytib o'tish mumkin.

JARda bo'lib o'tgan mundial finalidagi 116 daqiqa Ispaniya muxlislarini bir umr yodlarida qolsa ajab emas. Aynan shu daqiqada Andres Inesta Gollandiya terma jamoasi darvozasiga to'p kiritadi va yakunda ushbu gol Ispaniyaning "oltin goli" sifatida tarixdan muqim joy oladi.

"Qizil furiya" jami 13 bor mundialda ishtirok etgan. Bir marta finalgacha etib kelgan va hal qiluvchi bahsda Gollandiyani mag'lub etib, Jahon chempioni nomiga sazovor bo'lishgan. Jahon chempionatlari o'yinlarida Ispaniya jami bo'lib 56 ta o'yin o'tkazgan. Shularning 28 tasida g'alabani tantana qilgan bo'lsa, 12 o'yinda durang qayt etgan va 16 uchrashuvda mag'lubiyatga uchragan.To'plar nisbati: 88-59.

Ispaniya bu safar ham avvalgi natijalarni takroray oladimi? Hozirgi tarkibi ham deyarli o'sha-o'sha. Etakchi ijrochilar o'z joyida. Ularni oldida yana yangi istedod sohiblari jamlanishgan. Tarkib kuchli. Tajribali Visente Del Boske ham jamoa boshqaruvida. Ispaniyada yana o'sha natijani takrorlash uchun deyarli barcha narsa tayyor. Faqatgina kuchli ishtiyoq kerak. Avvalgi mundialdagidanda kuchliroq bo'lgan xohish va ishtiyoq zarur. Jamoaning hujum chizig'ida muammolar mavjud. Diego Kosta jarohati bois mundialda ishtirok eta olmasligi mumkin. Torres o'zining avvalgi sport formasida emas. Fernando Lorente ushbu mavsumda "Yuventus" tarkibida ko'plab gollar kiritganiga qarmasdan, Del Boske uni tarkibga kiritmagan. David Vilya ham Del Boske tanlagan tarkibda yo'q. Delofeuda esa etarli tajriba mavjud emas. Qolgan poziciyalarda etarlicha ijrochilar bor. Umuman olganda, Ispaniya termasi asosan o'rta chiziq vakillariga tayanib harakat qiladi. Del Boske Evropa chempionatida ham hujumchi o'rniga hujumkor yarim himoyachi xizmatidan foydalangandi. Bu safar ham deyarli shunga o'xshash vaziyat yuzaga kelishini taxmin qilish mumkin.

Ispaniyaning bu uslubini ko'pchilik raqiblar o'rganib olishgan va endi "qizil furiya"ga bu borada oson bo'lmasligi aniq.

Ispaniya terma jamoasi haqida:

Tashkil topgan yil: 1909

Mintaqasi: Evropa

Bosh murabbiy: Visente Del Boske

Jamoa sardori: Iker Kasilyas

Eng ko'p o'ynagan futbolchi: Iker Kasilyas (150 o'yin)

Eng yaxshi to'purar: David Vilya (56)

Ilk o'yin: Ispaniya - Daniya 1:0 (1920 yil)

Eng yirik g'alaba: Ispaniya - Bolgariya 13:0 (1933 yil)

Eng yirik mag'lubiyati: Italiya - Ispaniya 7:1 (1928 yil), Angliya - Ispaniya 7:1 (1931 yil)

Erishgan yutuqlari:
Jahon chempioni: (2010)
Evropa chempioni: 3 marta (1964, 2008, 2012)

Ispaniyaning kengaytirilgan tarkibi:

Darvozabonlar: Iker Kasilyas ("Real"), Pepe Reyna ("Napoli", Italiya), David De Xea (MYU, Angliya)

Himoyachilar: Serxio Ramos, Raul Albiol, Daniel Karvaxal (barchasi "Real"), Xerard Pike, Xordi Alba (ikkisi "Barselona"), Xavi Martinez ("Bavariya", Germaniya), Xuanfran ("Atletiko"), Sezar Aspilikueta ("Chelsi", Angliya), Alberto Moreno ("Sevilya")

Yarim himoyachilar: Xavi, Andres Inesta, Serxio Buskets, Francesk Fabregas, Pedro (barchasi "Barselona"), Xabi Alonso ("Real"), Santi Kasorla ("Arsenal", Angliya), David Silva, Xesus Navas ("Manchester Siti", Angliya), Xuan Mata (MYU, Angliya), Tiago Alkantara ("Bavariya", Germaniya), Ander Itturaspe ("Atletik"), Koke ("Atletiko")

Hujumchilar: Diego Kosta, David Vilya (ikkisi "Atletiko"), Fernando Torres ("Chelsi", Angliya), Alvaro Negredo ("Manchester Siti", Angliya), Fernando Llorente ("Yuventus", Italiya)

Yakuniy ruyxatdan 23 futbolchi o'rin oladi.

Shahboz Beg'amov

JCH-2014. Mundial ishtirokchilari - Ispaniya