"Ўйиндан олдин ҳам айтгандим, "Қизилқум" билан баҳс оғир бўлишини билардим. Йигитлар ҳаракат қилишди, аммо битта гол ўйин тақдирини ҳал қилди", - дейди Тўрақулов.

"Шогирдларимнинг кайфияти йўқ? Бунга қўшилмайман, улар билан баҳсга жуда жиддий тайёрландик, барчаси жойида эди. Агар барча кўрсатмаларни тўғри бажаришганида совринли ўринларда юрган бўлардик. Йигитларимнинг ўйинидан кўнглим тўлди, аммо гол ура олмадик. Ўйин бошида рақибни ўргандик ва аста секин ҳужумкорликни оширдик. Масалан, кеча "Олмалиқ" биринчи гол урди, иккинчи бўлимда эса "Насаф"ни тўхтатиб қолишнинг имконияти бўлмади. Бугунги баҳс тенг бўлди, битта пенальти барчасини ҳал қилди. Ҳакамларни ёмонлашдан йироқман, пенальти бор йўқлигини билмайман, ҳакамларнинг ишига аралашмайман. Ўзимизда ҳам айб бўлди, биз тўп кирита олмадик. Ҳужумда Таран, Полвонов ва Тўраев бор. Шу боис уларни алмаштириб ўйнатаяпман. Бирданига 3 ҳужумчи билан ўйнай олмаймиз", - дейди Зоир Тўрақулов.

"Шўртан" матбуот хизмати

Зоир Тўрақулов: "Бирданига 3 ҳужумчи билан ўйнай олмаймиз"