Bugun g'alaba uchun ancha ter to'kdik. Ikkinchi bo'limda birinchi bo'limdagiga qaraganda kuchliroq o'ynadik. Afsuski vaziyatlardan unumli foydalana olmadik. Oqibatda guvoh bo'ldingiz, durang qayd etdik.

– Bugun yaqqol g'alabani qo'ldan chiqardilaringiz. Hisobni saqlab qolish imkoni yo'qmidi?

– To'g'ri, bu alamli bo'ldi. Bugun o'yinchilarimizni o'ziga bo'lgan ishonchi ham pand berdi, raqib kuchiga to'g'ri baho bera olmadik. Keyin jamoamiz kuchli jamoalarga qarshi yaxshi o'yin ko'rsatishadi, ana shunday o'yinlarda raqib kuchini va salohiyatini yaxshi tushunishadi. Ammo ularga nisbatan kuchsizroq jamoalarga qarshi maydonga tushganda o'yinlarimiz qovushmay qolayapti. Bu holatga etiborimizni ko'proq qaratishimiz kerakka o'xshaydi.

– Masalan ertaga rahbariyat sizni jamoaga bosh murabbiy etib tayinlasa, bunga tayyormisiz?

– Men tayyor bo'lishim mumkin, ammo har bir murabbiy o'zi xohlagan jamoani tuzish uchun va bu jamoaning o'yinini paydo qilishi uchun vaqt talab qilinadi.

Zoir To'raqulov: "Kuchimizga bo'lgan katta ishonch bugun pand berdi"