Учрашув 2:2 ҳисобидаги жанговар дуранг билан тугади. Инглизларни Жуд Беллингемнинг 90+5 - дақиқадаги голи мағлубиятдан қутқариб қолди. Мана шу баҳсда Англия таркибида "Манчестер Юнайтед" тарбияланувчиси 18 ёшли Кобби Майну илк бор асосий таркибда майдонга тушди. Кобби терма жамоа асосий таркибидаги дебютидаёқ учрашувнинг энг яхши футболчиси деб топилди. Беллашувдан кейин терма жамоадаги ёши каттароқ ўйинчилар Майну ҳақида фикрларини билдириб ўтишди.

Айвен Тоуни: "18 ёшимда мен Xbox ўйнардим, у (Кобби) эса Англия терма жамоасида ўйнаяпти. У тўп билан шунчаки "сирпанади". У ҳали ўз имкониятларининг янада юқори чўққисига чиқиши ва кўп ютуқларга эришишига ишонаман".

Жуд Беллингем: "У бугун жуда яхши ўйнади. Бу жуда ҳам ажойиб футболчи. Уни "Манчестер Юнайтед"да ёрқин келажак кутмоқда ва умид қиламан Англия терма жамоасида ҳам.
Мен ундан ёши каттароқ ўйинчи сифатида гапиряпман. Одамлар шовқин кўтариб сенга катта босим ўтказаётганда қанчалик оғир эканлигини биламан. У ажойиб ҳаракат қилди".

"18 ёшимда мен Xbox ўйнардим, Кобби эса Англия терма жамоасида ўйнаяпти"