Бу гал Тошкентнинг "Бунёдкор" клуби етакчиларидан бири Нурилло Тўхтасинов билан суҳбатлашдик. Унга футболга оид 8, футболдан ташқари 3та савол билан мурожаат қилдик.

1. Сиз ўйинларини бевосита кузатган энг кучли футболчи ким?

- Ўйлашимча, Криштиану Роналду бўлса керак.

2. Сиз кўрган энг чиройли гол қайси?

- Лионел Мессининг Алиссон дарвозасига жарима зарбасидан киритган тўпини унутиб бўлмайди.

3. Футбол оламида бошқалардан мутлақ ажралиб турадиган шахс ким? (масалан, характер ёки эътибори билан)

- Яна Криштиануни айтаман. Унинг профессионаллиги ҳавас қилишга арзийди.

4. Ўзбекистон терма жамоасини бошқарган энг кучли мураббий ким?

- Барча мураббийларнинг ўзиган яраша ижобий ва салбий томонлари бор эди. Айнан биттасини ажратиб кўрсатолмайман.

5. Нечанчи йиллардаги терма жамоамиз барча даврларнинг энг кучлиси эди?

- ...

6. Сизнингча, бугун ўзбек футболининг қайси жиҳатлари танқидга лойиқ?

- Ҳар соҳада камчиликлар етарлича. Лекин танқид қилиш менинг ишим эмас. Мен майдонда ўзимни кўрсатсам бўлгани.

7. Аёллар ва футбол. Бунга қандай қарайсиз?

- Тўғри қарайман. Барча ўз қизиқишларини амалга оширишга ҳақли. Сўнгги йилларда бу борада олдинга қадам ташланганини ҳам алоҳида таъкидлаш керак.

8. Ўзингиз ўйинларини кузатган футболчилар орасидан рамзий жамоа тузиб беринг.

- Тибо Куртуа, Дани Карвахаль, Серхио Рамос, Карлес Пуйоль, Марсело, Хави, Иньеста, Одил Аҳмедов, Лео Месси, Криштиану Роналду, Златан Иброҳимович.

9. Ҳаётдаги кумирингиз ким?

- Пайғамбаримиз Муҳаммад (с.а.в)ни яхши кўраман.

10. Ўзингизга ёқмаган тарафингиз қайсилар? Камчиликларингиз...

- Жуда ҳам инжиқман. Бу бошқаларгаям ёқмаса керак.

11. Ҳаётингизнинг бурилиш нуқтаси сифатида қайси воқеани эслайсиз?

- Биринчи марта тўп тепган куним бўлса керак. Футбол ўйнаб кетолмаганимда ҳозир барчаси бошқача бўларди.

"8+3". Ўзбекистон терма жамоасини ҳеч қачон кучли мураббий бошқармаган (12-сон)

"8+3". "Мен танқидчи эмасман, жуда ҳам инжиқман" (13-сон)