Бу гал "Қизилқум" матбуот котиби, журналист Азиз Нурий билан суҳбатлашдик. Унга футболга оид 8, футболдан ташқари 3та савол билан мурожаат қилдик.

- Сиз ўйинларини бевосита кузатган энг кучли футболчи ким?

- Туркманистонлик Артур Геворкян.

- Тарихдаги энг кучли жамоа (ёки терма жамоа) сифатида қайсини кўрсата оласиз?

- Гвардиола бошчилигидаги "Барселона-2011".

- Сиз кўрган энг чиройли гол қайси?

- Ривалдонинг Ўзбекистондаги дебют ўйинида Муборакда "Машъал"- "Бунёдкор" ўйинида Михаил Наумов дарвозасига урган 2- голи.

- Футбол оламида бошқалардан мутлақ ажралиб турадиган шахс ким?

- Беш қўл баробар бўлмаганидек, ҳар бир одамни ўзига яраша феъл атвори бор. АГМК матбуот котиби Шаҳбоз Беғамов бўлса керак (кулади).

- Ўзбек футболи қироли сифатида кимни кўрсатасиз?

- Ўйинларини кўрганларим ичида Зафар Холмуродов тенгсиз эди...

- Нечанчи йиллардаги терма жамоамиз барча даврларнинг энг кучлиси эди?

- Хиросима-1994даги терма жамоа кучли бўлса керак ҳаммасидан.

- Ўзбекистон чемпионатларида ўйнаган энг кучли хорижлик ўйинчи ким?

- Мен учун Артур Геворкян.

- Ўзингиз ўйинларини кузатган футболчилар орасидан рамзий жамоа тузиб беринг.

- Олег Қаҳҳоров - Асрор Алиқулов, Валентин Поддубний, Фарруҳ Сайфиев, Шуҳрат Муҳаммадиев - Эркин Бойдуллаев, Рўзиқул Бердиев, Артур Геворкян, Элгужа Григалашвили- Зафар Холмуродов, Жафар Ирисметов.
Мураббий - Пеп Гвардиола.

- Ёқтирган китоб ёки кинонгизнинг номини айтинг.

- Ўткир Ҳошимов романлари ва Абдулла Қаҳҳор ҳикояларини ўқишни яхши кўраман.

- Сиз учун бахт нимадан иборат?

- Инсон бўлиб яралашимизнинг ўзи бир бахт.

- Ҳаётингизнинг бурилиш нуқтаси сифатида қайси воқеани эслайсиз?

- Кўп бўлган бурилиш нуқталари: таҳририятда иш бошлаганим ва кўплаб танловларда ғолиб чиққаним, севимли жамоам "Насаф"га ишга кирганим ва клубнинг кўплаб ғалаба, совринларига гувоҳ бўлганим. Ўзига шукр!

"8+3". Пуйоль, Роналдиньо ва Драган Черан — Ғофуров энг яхшиларни айтди (10-сон)

"8+3". Ривалдонинг Муборакдаги голи, Зафар Холмуродов ва Хиросима-1994... (11-сон)