Жумладан, шу куни Андижон шаҳридаги «Соғлом авлод» стадионида лиганинг икки фаворити дея эътироф этилаётган «Андижон» ва «Машъал» ўзаро тўқнаш келади. Албатта, бу эски танишларнинг янги тўқнашуви кўпчиликни катта ҳаяжон остида ушлаб турибди десак муболаға бўлмайди.

Элдор Сакаев бошқарувидаги «бургутлар» чемпионатнинг илк ўйинида қандай бўлмасин мухлисларга ғалаба тақдим этиши шарт. Буни айни дамда жамоанинг ҳар бир аъзоси яхши ҳис этиб турибди. Андижонликлар бўлажак учрашувга жиддий ҳозирлик кўрмоқда. Жамоа кеча жорий йил ҳисобидан илк бор «Соғлом авлод» стадионида машғулот ўтказди. Дарвоқе, майдоннинн холати кундан-кунга ижобий томонга ўзгариб бораётганини айтиш лозим.

Таркибдаги ўзгаришларга тўхталадиган бўлсак, асли андижонлик бўлган. Аммо бунгача Тошкентнинг «Пахтакор» ва Навоийнинг «Қизилқум» жамоаларида ўйнаб юрган Бегзод Ғанижонов бу йил «Андижон»га таклиф этилди. 20 ёшли ҳужумчидан мураббийларнинг умиди катта.

Шунингдек ўтган мавсум «Андижон» шарафини ҳимоя қилган Қаҳрамон Маҳамаджонов жорий мавсум бошқа клубга ижарага бериладиган бўлди. Тажрибали ҳимоячига Фарғонанинг «Истиқлол» жамоаси қизиқиш билдирмоқда. Аммо бу ўтиш расман тўлиқ амалга ошмаганини ҳам айтиб ўтиш даркор. Бош мураббий унинг ўрнини «Бунёдкор»нинг иқтидорли ўйинчиси Нодир Мавлонов билан тўлдиришга қарор қилди. 22 ёшли футболчи майдон марказида харакат «қора мехнат» билан шуғулланиш билан бирга, стандарт вазиятлардан ҳам кўпинча унумли фойдалана олади.

"Андижон" "Машъал" билан ўйинга жиддий тайёргарлик кўрмоқда