Футболчилар аввалига тиббий кўрикдан ўтди. Кечки пайт эса клуб қароргоҳида бош мураббий Александр Хомяков бошчилигида 2025 йилдаги илк машғулот ўтказилди.

Жамоамизга таклиф этилган ва шартнома имзолаган Дониёр Абдуманнопов, Валижон Раҳимов ва Олег Зотеев клуб ихтиёрига қўшилдилар.

Шунингдек, жисмоний тайёргарлик бўйича руминиялик мутахассис Аугустин Чирица ҳам "Андижон"даги ишини бошлади.

Селекция ишлари давом этмоқда ва бир қатор маҳаллий ҳамда легионер футболчилар билан музокаралар олиб бориляпти.

Эслатиб ўтамиз, 5 январь куни "Андижон" Тожикистонга жўнаб кетади ва машғулотлар ўша ерда давом эттирилади.

"Андижон" янги мавсум учун тайёргарликни бошлади