"A Bola" маълумотига кўра, Диоманде "Бавария"нинг ушбу трансферлар ойнаси вақтидаги асосий мақсадларидан бирига айланади. Мюнхен клуби бу борада "Спортинг" билан боғланган ва ҳимоячининг трансфери борасидаги шартларни ўрганган. Клуб ҳимоячи учун таклиф тайёрламоқда ва яқин кунлар ичида буни жўнатмоқчи.

"Бавария" ушбу ҳимоячини мавсум якунланганидан кейин таркибига қўшиб олишни режа қилганди. Бироқ айни дамда унинг хизматларига "Ливерпуль", "Арсенал", "Челси", "Ньюкасл" ва "Манчестер Юнайтед" каби жамоалар ҳам қизиқиш билдираётгани иш жараёнини тезлаштириб юборган.

Ушбу мавсумда Диоманде "Спортинг" таркибида Португалия чемпионатининг 16 ўйинида қатнашди.

АПЛ топ-клублари қизиққан футболчини "Бавария" илиб кетмоқчи