Қишки трансферлар вақтида қатор тажрибали футболчиларни ўз сафига қўшиб олган термизликлар баҳснинг биринчи бўлимида устунликка эга бўлишди, бир нечта хавфли вазиятларни яратишди. Бироқ ҳужумларни якунлашга бироз совуққонлик етишмади. Ушбу гапларимизга жамоанинг махоратли ўйинчиси Асрор Ғофуров ҳам қўшилган ҳолда ўзининг фиклари билан ўртоқлашди.

“Назримда вазиятларни голга айлантиришда бизга омад етишмади. Рақиб жарима майдончаси ичида босимни оширган ҳолда кўплаб ҳужумлар уюштирдик. Чемпионат баҳслари энди бошланди. Қолган ўйинларда ғалаба қозонишга интиламиз. Очиғи, голдан сўнг ҳамма нарса ўзгариб кетди. “Бунёдкор”дан иккинчи бўлимда бу қадар жиддий босим ва қаршилик кутмагандим. Мухлислардан бизни қўллаб-қувватлашда давом этишларини сўраган бўлардим. Гарчи, йирик ҳисобда ортда бораётган бўлсакда сўнги дақиқаларгача стадионни тарк этишгани йўқ. Бу мағлубиятни унутамиз ва хулоса чиқарган ҳолда кейинги турга тайёрланамиз”, - Асрор Ғофуров.

Абдулазиз Искандаров ёзиб олди

Асрор Ғофуров: “Вазиятларни голга айлантиришда омад етишмади”