Дастлабки кунги машғулотлар Тошкент шаҳрида "Тўқимачи" стадионида ўтказилди.

Қувноқ кайфиятда ўтказилган машғулотдан сўнг жамоанинг етакчи футболчиларидан бири Азим Аҳмедовнинг фикрлари билан қизиқдик.

"Янги мавсумга тайёргарликнинг биринчи босқичида кўпроқ жисмоний ҳолатга эътибор қаратилди. Иккинчи босқич кўрганингиздек Тошкентда ўтмоқда. Сафимизга яхши футболчилар келиб қўшилаётганини айтиш жоиз. Чемпионатга ҳозирлик яхши кетяпти. 30 январь санасига қадар пойтахтда, шундан сўнг хорижда машғулотларни давом эттирамиз. У ерда кўпроқ назорат учрашувларида иштирок этишимиз кўзда тутилган. Ўйлайманки, янги қўшилган футболочилар билан бир-биримизни янада яхшироқ тушуниб оламиз.
Жамоамиз олдига ҳар доим чемпионлик ва юқори ўринлар учун курашиш мақсад қилиб қўйилади. Ўтган йили ҳам мақсадимиз шундай эди. Бироқ пандемия сабаб ўйлаганларимиз ўхшамади. Бу йил ниятимиз кучли учликка кириш ва ОЧЛга йўлланма олиш.
Легионерга айланишимга озгина қолганди. Лекин вилоят ҳокимимиз билан қолаверса Одил акам билан маслаҳатлашиб "Навбаҳор"да ўйнайдиган бўлдим",- дейди Азим Аҳмедов.

Азим Аҳмедов: "Легионерга айланишимга озгина қолди. Лекин..."