"Йиғинимиз кўнгилдагидек ўтди. Барча йиғилди. Тан олишимиз керак, рақибга қараганда тайёргарлигимиз пастроқ бўлиши мумкин. Чунки мавсум энди бошланаётганлигини унутмаслигимиз керак. Аммо бу баҳона бўлмайди ва биз битта ўйинга тайёрлана оламиз. Очколар муҳим бўлмасада, ўйиннинг приципиаллиги биринчи планга чиқади", - дейди Азиз Ҳайдаров.

- Сиз бизнинг лигамизнинг энг савияли легионеридан бири саналасиз. БАА чемпионати билан таниш футболчиси сифатида Исмоил Матар ва Умар Абдулраҳмон каби футболчиларни келмаганлигини инобатга олмаса, қайси ўйинчиларимизни кучли деб биласиз? (БААдан келган журналистнинг саволи)
- Матар иккинчи ўйинда захирадан тушиб ўйинни кучайтира олган эди. Умар Абдулраҳмон эса тартибли ва ўз ишини яхши кўрадиган футболчи. матарга қарши кўп маротаба майдонга чиққанман. Анча тез ўйинчи. Лекин БАА терма жамоаси учун бу футболчилар катта йўқотиш эмас. Улар учун энг катта йўқотиш 5-рақамдаги Амирнинг келмаганлиги. Биз учун БАА янги жамоа эмас. Ҳар бир футболчини МТЖда тутган ўрни катта ва улар ўта аҳил. Шунинг учун эртанги ўйин биз учун қизиқарли кўриниш олади.

Азиз Ҳайдаров: "Ҳеч қандай баҳона бўлмаслиги керак"