Каталон клуби "тўпчилар"га Маттео Гендузининг эвазига Филиппе Коутиньони таклиф қилган. Клублар айни пайтда "рокировка" масаласини муҳокама қилишмоқда, деб хабар қилди Foot Mercato.

Таъкидланишича, Гендузининг ўзи келажаги борасида якуний қарорни қабул қилмаган. Аммо у Артета қўл остида ўйин амалиётининг камлигидан норози. Бундан ташқари, франциялик футболчи "Брайтон"га (1:2) қарши учрашувдаги жанжалли вазиятдан кейин "Арсенал" таркибига киритилмаяпти. Ўшанда у рақиб футболчиларини ҳақорат қилиб, уларнинг маошини масхара қилганди.

Лондон клуби Гендузини 40 млн евро эвазига қўйиб юборишга тайёр. У АПЛнинг жорий мавсумида 24 та ўйин ўтказди ва 2 та голли узатмани амалга оширди.

Жорий мавсумни ижара асосида "Бавария"да ўтказган Коутиньо эса 23 учрашувда (Бундеслига) майдонга тушиб, 8 гол ва 6 та ассистга муаллифлик қилди.

"Барселона" Коутиньони "Арсенал" футболчиси билан алмаштиради (Foot Mercato)