Ҳужумчи ўтган қишда "Атлетико Паранаэнсе"дан "Барселона"га ўтган эди. У Ла Лигада 14та ўйинда майдонга тушди, ҳар ўйинда ўртача 22 дақиқа ҳаракат қилди холос. Ушбу ёзда эса 19 ёшли футболчи сотиб олиш ҳуқуқи билан "Бетис"га ижарага бериб юборилди.

- "Барселона"да бошдан кечирган даврим мен учун энг қийин пайтлар бўлди. Лекин, яратганга шукрлар бўлсинки, оилам менинг ёнимда эди. Агар сиз бахтли бўлмасангиз ва ўзингизга ишонч бўлмаса, ишлар ёмонлашади.

Баъзан онамга: "Менга буларнинг ҳаммаси керак эмас, мен бахтли бўлишим керак, бу энг муҳими", деб айтардим. Аммо баъзида сиз уларни енгиб ўтиш учун бундай нарсаларни бошдан кечиришингиз керак. Шунда бу осон жараён эмаслигини тушунасиз ва олдинга интилишда давом этасиз.

- Таслим бўлиш ҳақида ўйлаганмисиз?

- Ҳа. Мен фермага (Бразилияда) боришни ва ҳеч ким мени безовта қилмаслигини хоҳлайман деб ўйлаб қолардим. Чунки, баъзида бундай даражада кўп босимни кўтариш қийин.

Лекин олдинга силжиш, рухий кучга эга бўлиш, катта иштиёқ билан ишлашда давом этсангиз ҳаммаси яхши бўлади. Менда аста-секинлик билан тўлиқ бахт ва ишонч қайтмоқда", - деди "Бетис" ҳужумчиси.

"Барселона"да бошдан кечирган даврим мен учун энг қийин пайтлар бўлди"