Унинг иккинчи қисмида "Навбаҳор" устози Бахтиёр Ашурматов қатнашди.

"Бугунги ўйинни мухлислар катта ниятлар билан кутишганди. Афсуски мухлислар кутган ўйинни кўрсата олмадик. Йигитларга бор кучлари билан ўйнашганидан хурсандман. Дурангдан мухлисларимизнинг кайфияти тушиб кетди. Лекин кўрсатган ўйинимиз учун олқишлаб қўйишганидан хурсанд бўлдим.

Мен ҳакамлик ёки рақиб жамоа ҳақида гапиришни истамайман. Футболчиларимга доим айтаман, агар рақиб футболчиси майдонда ётганида тўпни чиқариб юборинглар дейман. Бугун бизни ўйинчилар тўпни атайин майдон ташқарисига чиқариб юборган вазиятдан сўнг фарғоналиклар тўпни қайтариб беришмади. Бу фейр плей эмас. "Нефтчи" мураббийлари қандай кўрсатма беришганини билмайман. Балки мағлубиятга учраётган вақтда фейр плей иккинчи ўринга тушиб қолар.

Кейинги турда "Насаф"га қарши ўйиндан олдин нима дея оламан. Ўтган ўйинда Бойдадаев яхши ўйнаганди, бироқ жароҳтат туфайли бугун ўйнай олмади. Ёқубов бугун қизил карточка олди. Аммо бу йўқотишлар бизга таъсир қилмаслигига ҳаракат қиламиз.

Ҳозир ПРО лицензиясига ўқиётганим учун барча машғулотларда қатнаша олмаяпман. Мен жамоада футболчилар ва мураббий ўртасида яхши муносабат бўлишини истайман. Иккала томон аҳил муносабатда бўлса ижобий натижалар бўлаверади. Кейинги турда бизни қизиқарли ўйин кутиб турибди. Бугунги хатолардан хулоса чиқариб кейинги баҳсларга тайёрланамиз", - дейди Бахтиёр Ашурматов.

Шерзод Ҳамдамов ёзиб олди.

Бахтиёр Ашурматов: "Афсуски мухлислар кутган ўйинни кўрсата олмадик"