Хитойнинг Шеньян шаҳрида дунёнинг деярли барча қитъаларидан ташриф буюрган жами 292та жамоа иштирок этадиган турнирда “Бунёдкор” футбол мактабининг 2002 йилда таваллуд топган тарбияланувчилари иштирок этишмоқда.

Вакилларимиз “Gothia Cup 2017” мусобақасидаги илк учрашувини Покистоннинг “Меҳран” футбол мактаби тарбияланувчиларига қарши ўтказишиб, йирик 10:0 ҳисобида зафар қучишди. Жамоамиз голларига – Жасур Жалолиддинов (5та), Отабек Жўрақўзиев (2та), Диёрбек Рахимқулов, Фарруҳбек Мухторов ва Икром Эркинов муаллифлик қилишди.

Мураббийларимиз покистонликларга қарши баҳсда қуйидаги футболчиларни майдонга туширишди: Қодиров (Харин), Абдурашидхўжаев , Убайдуллаев (Аъзамов), Абдулбеков (Аширалиев), Содиқов (Бондаренко), Рахимқулов, Сатторов, Бўриев (С; Шарипов), Эркинов (Мухторов), Жўрақўзиев (Мирзасалимов), Жалолиддинов

“Бунёдкор-2002” турнирнинг иккинчи турида Япониянинг “Пуебла” футбол мактаби тарбияланувчилари билан куч синашишади. Бу учрашув 15 август куни бўлиб ўтади.

“Gothia Cup 2017” турнири ҳақида батафсил маълумотни мусобақанинг расмий ВЕБ-САҲИФАСИ орқали олишингиз мумкин.

“Бунёдкор” тарбияланувчилари 292та жамоа қатнашаётган турнирни йирик ғалаба билан бошлади