Учрашув кучли ёмғир остида бошланди ва об-ҳаво инжиқлиги секин-аста қорга айланди. Шундай бўлса-да, ҳар иккала жамоа аъзолари суъний майдонда чиройли ўйин кўрсатишга ҳаракат қилишди.

Учрашув давомида “Бунёдкор” ёшларида ҳам, “Қўқон-1912” футболчиларида ҳам гол киритиш учун қулай имкониятлар юзага келди. Бироқ улардан оқилона фойдаланишда футболчиларга аниқлик етишмади. Баъзи ҳолларда эса ҳимоячиларнинг бехато ўйини ва дарвозабоннинг маҳорати иш берди. Шу тарзда ўйин якунланиб бораётган бир паллада, аниқроғи 87-дақиқада Достонбек Ҳамдамов ўз маҳоратини ишга солиб, Азиз Ашуров қўриқлаган дарвозани аниқ нишонга олди ва ёш “қалдирғочлар”га ғалаба келтирди.

Таъкидлаш жоизки, Александр Мочинов бошчилигидаги ёшларимиз бунгача ўтказилган назорат учрашувларида Қозоғистон БИИК жамоасини 7:0, “Олмалиқ” ёшларини 6:0 ва ёш “темирйўлчилар”ни 5:0 ҳисобида мағлубиятга учратишган эди.

“БУНЁДКОР” (ёшлар) – “ҚЎҚОН-1912” 1:0
Гол: Достонбек Ҳамдамов 87
“Бунёдкор”: Зафар Сафоев, Саиджон Топилов, Азизбек Мамазоитов, Рустам Ашурматов, Акром Комилов, Достонбек Ҳамдамов, Санжар Рихсибоев, Аҳрор Умаржонов, Шохрух Исломов, Хуршид Ғиёсов, Темур Аюпов
Захирадан майдонга тушганлар: Амир Эргашев, Турсун Раҳимбердиев, Абдуллох Абдулазизов, Бахтиёр Содиқ-Охунов, Босит Рихсибоев

“Бунёдкор” ёшлари энди “Қўқон-1912”ни мағлубият учратди