3 март куни ПФЛ чемпионатининг ўнинчи мавсумига старт берилади. 2017 йилда олий лига ўйинларини аввалгилардан фарқли тарзда ёритишга ва уни қизиқарли кўриниш олишини таъминлашга ҳаракат қиламиз.

Турнинг энг яхши ўйинчилари қаторида "Кучли бешлик"да бўлгани каби "Ойнинг энг яхши футболчиси" ва мураббийсини аниқлаб борамиз. Бу сўровнома адолатли бўлиши учун худди "Дўппи" совринида бўлгани каби олий лига мураббийлари ва сардорлари овоз бериш ҳуқуқига эга бўладилар. Шунингдек, "Championat.asia", "Olamsport.com" ва сайт ўқувчиларининг умумий овози битта қилинган ҳолда якуний сўровда иштирок этади.

Шунингдек, ҳар ойнинг энг фаол мухлислар клубини ҳам аниқлаб борамиз. Бунда кўпроқ ўша клуб мухлисларининг сайтдаги хулқига катта эътибор қаратамиз.

Матбуот котибларининг иш унумини ошириш мақсадида, "Йилнинг энг яхши матбуот котиби"га ЖЧ-2018 йўлланмасини тақдим этиш асосий режамиз.

"Facebook"даги ижтимоий тармоғимизда олий лигада ўз ўрнига эга бўлган мутахассис ва футболчилар ўртасида тўғридан-тўғри эфир уюштирамиз.

Келинглар, биргаликда янги мавсумни юқори кайфиятда қарши оламиз. Ёмонни, ёмон деяверса ҳеч қачон яхши бўлмайди. Яхшилик ҳақида ўйлаган ҳолда янги мавсумга тайёргарлик кўрамиз.

ПФЛ чемпионлари
1. 2008 - "Бунёдкор"
2. 2009 - "Бунёдкор"
3. 2010 - "Бунёдкор"
4. 2011 - "Бунёдкор"
5. 2012 - "Пахтакор"
6. 2013 - "Бунёдкор"
7. 2014 - "Пахтакор"
8. 2015 - "Пахтакор"
9. 2016 - "Локомотив"
10. 2017 - ...

"CA" ПФЛнинг юбилей - 10-мавсумига тайёрланади!