Лондонликлар ярим ҳимоячи трансфери бўйича Дортмунднинг "Боруссия" клуби билан музокара олиб бормоқда. Лондондагилар келишувни иккала жамоа ҳам клублар ўртасидаги жаҳон чемпионатига йўл олишидан олдин амалга оширишмоқчи. Турнир 15 июнь куни АҚШда бошланади. Аслида "Челси" январь ойидаёқ футболчига сўров юборганди.

Англиялик футболчи бир муддат "кўклар" академиясида шуғулланган, аммо профессионал фаолиятини Германияда бошлашга қарор қилган. 20 ёшли вингернинг трансфер нархи тахминан 50 миллион фунт бўлиши кутилмоқда, унинг шартномасида ҳам тахминан шунча миқдорда товон пули белгиланган.

"Челси" "Манчестер Юнайтед"дан ижарага олинган Жейдон Санчонинг келажаги мавҳумлигини инобатга олиб, бор эътиборини мана шу битимга қаратган. Лондон клуби Санчони 20-25 млн фунтга сотиб олиши шарт (чунки "Челси" АПЛнинг топ-14 талигидан жой олди) ёки 5 миллион фунт жарима тўлаши керак.

"Челси" ўз академиясида ўйнаган футболчини 50 миллион фунтга қайта сотиб олмоқчи