СУРХОН – АГМК
1 октябрь. Термиз. "Сурхон" стадиони. 16:30
Ҳакамлар: Акобирхўжа Шукуруллаев, Ришат Нугманов, Дониёр Сайлавов, Жалолиддин Ҳусниддинов
Назоратчи: Олег Дачев
Комиссар: Аҳмед Тиллаев

Ушбу жамоаларнинг ўзаро ўйин тарихи қисқа ва бу ўтган мавсумдан бошланди. Ҳозирга қадар АГМК термизликлар билан 3 маротаба тўқнаш келган. Ўтган мавсум Олмалиқда кечган ўйинда Дилшод Жўраев ва Санъат Шиховнинг голлари АГМКга ғалаба келтирган бўлса, Термизда Аброр Исмоиловнинг голи “Сурхон”ни ғолиб қилганди. Жорий мавсум биринчи давра доирасидаги баҳсда эса Арсланмират Амановнинг жаримадан киритган голи АГМКга ғалаба келтирганди.

БУХОРО – НАВБАҲОР
1 октябрь. Муборак. Баҳром Вафоев номидаги стадиони. 17:00
Ҳакамлар: Аскер Нажафалиев, Олим Абдувосилов, Руслан Серазитдинов, Абдурашид Худойберганов
Назоратчи: Бахтиёр Тоғаев
Комиссар: Зоҳид Акрамов

Мазкур клублар Ўзбекистон чемпионати ўйинларида 57 марта бир-бирларига қарши майдонга тушишган. Ушбу 57та баҳсдан 32тасида "Навбаҳор" ғалаба қозонган бўлса, 16та учрашувда "Бухоро" зафар қучган, 9та ўйинда эса томонлар дурангга имзо чекишган. “Навбаҳор” шу кунга қадар ўзаро баҳсларда 105та тўп киритиб, ўз дарвозасидан 62 марта тўп олиб чиққан.

Coca Cola Суперлига. Бугун АГМК Термизда меҳмон, "Бухоро" "Навбаҳор" билан ўйнайди