Coca Cola Суперлига / 17-тур
17 август, шанба
17:00 «Қўқон-1912» - «Сурхон»
Ҳакамлар: Зокир Қодиров, Обид Жумаев, Руслан Самандаров, Акмал Раҳимов
Назоратчи: Рашид Айтеков
Комиссар: Эркин Бахтиёров

Бу мавсумда ўз майдонида умуман ғалаба қозона олмаган "Қўқон-1912" охирги 4та учрашувда умуман юта олмаган "Сурхон"ни қабул қилади.

Биринчи даврада ушбу жамоалар ўртасидаги учрашувда 2:1 ҳисобида "Сурхон" ғолиб бўлган эди.

Бу икки клуб чемпионат доирасида 17 марта тўқнаш келишган. Тўққиз бор Термиз клуби, етти бор Қўқон клуби ғолиб бўлган. Фақат бир марта дуранг қайд этилган.

Қўқонда ўтган ўзаро 8та ўйиннинг 5тасида мезбонлар ғолиб бўлган. Термизликлар 3 марта ушбу клуб майдонидан ғалаба билан қайтишган. Сўнгги бор бундай ҳолат 2000 йилги мавсумда кузатилган эди.

19:15 АГМК – «Пахтакор»
Ҳакамлар: Элёр Турсунов, Александр Сидоров, Ҳасан Набиев, Рустам Чориев
Назоратчи: Андрей Тамбовцев
Комиссар: Аббос Аҳроров

"Пахтакор" бу мавсум ҳозиргача умуман мағлуб бўлмаган ягона клуб бўлиб турибди (14 ғалаба ва 2 дуранг). АГМК эса охирги икки турда мағлуб бўлгани йўқ (1 ғалаба ва 1 дуранг).

Биринчи даврада Тошкентда кечган баҳсда "шерлар" бу рақибни 4:1 ҳисобида мағлуб этган эди. АГМК ҳужумчиси Зафар Полвонов Суперлигада охирги 3та ўйинда майдонни голсиз тарк этгани йўқ. "Пахтакор" ҳужумчиси Игорь Сергеев эса сўнгги 2та ўйинда рақиблар дарвозасига 3та гол урди.

Бу икки клуб Ўзбекистон чемпионатида 23 марта тўқнаш келишган. Шундан 17тасида "шерлар", 4тасида олмалиқликлар ғолиб бўлишган. Қолган икки учрашувда дуранг қайд этилган. Ўзаро ўйинларнинг охирги тўрттасида "Пахтакор" тўрт марта ғалаба қозонган.

АГМК ўз майдонида ўтган 11та ўйиннинг 3тасида зафар қучган. Ушбу жамоалар Олмалиқда ҳеч қачон дуранг ўйнашмаган экан.

19:15 «Локомотив» - «Насаф»
Ҳакамлар: Темур Тўхтасинов, Анвар Маражабов, Зиёдулла Абдураҳмонов, Ғайрат Жўраев
Назоратчи: Тимур Абдуллаев
Комиссар: Диёр Имомхўжаев

Бу мавсум ўз майдонида умуман ютқазмаган (7 ғалаба ва 2 дуранг) "Локомотив" сафардаги сўнгги 4та учрашувда мағлуб бўлмаган (3 ғалаба ва 1 дуранг) "Насаф"ни қабул қилади.

Биринчи даврада Қаршида ўтган учрашувда Темурхўжа Абдухолиқовнинг голи "Локомотив"га ғалаба келтирган эди - 1:0.

Бу клублар шу кунга қадар 29 бор ўзаро ўйин ўтказишган. 15 марта Тошкент клуби, 9 марта Қарши клуби 3 очкога эга бўлган. Қолган бешта учрашувда эса ғолибни аниқлашнинг имкони бўлмаган. Тошкентдаги ўйинларда "Насаф" 4 марта ғолиб бўлган. "Локомотив" 2012 йилдан буён ушбу жамоага ўз уйида ютқазмай келмоқда.

19:15 «Бухоро» - «Сўғдиёна»
Ҳакамлар: Ҳасан Рўзиев, Олимжон Абдувосилов, Ришат Нўъмонов, Комилжон Расулов
Назоратчи: Арслон Хотамов
Комиссар: Жаҳонгир Раҳматуллаев

Охирги учта ўйинда ғалаба қозона олмаган ва рақиб дарвозасига гол ура олмаган "Бухоро" сўнгги учта ўйиннинг барчасида ғолиб бўлган "Сўғдиёна"ни қабул қилади.

Биринчи даврада ушбу жамоалар ўртасидаги баҳсда "Сўғдиёна" Шоҳруз Норхоновнинг иккита голи эвазига "Бухоро"дан устун келганди - 2:0.

Бу клублар Ўзбекистон чемпионатида жами 47 бор тўқнаш келишган. 23та ўйинда "Бухоро"нинг қўли баланд келган, 18 марта "Сўғдиёна" ютган. Олтита баҳсда дуранг кузатилган.

"Сўғдиёна" Бухородаги ўйинларда 5 марта ғалабага эришган. Сўнгги бор 2008 йил бундай ҳодиса кузатилган. 10 йилдан буён "Бухоро" ўз уйида бу жамоага ютқазмай келмоқда.

Coca Cola Суперлигаси. "Пахтакор" Олмалиқда, "Насаф" Тошкентда меҳмон