2016 йилнинг 28 февраль куни очилган мазкур музейга 563 млн доллар сарф қилинган. Маълумотларга кўра бу ишга коррупция аралашган деб ўйлашади ва бунга қарши иш очилган. Музей шаҳар марказида, шунинг учун ҳам катта маблағ кетган бўлиши мумкин, боиси Швейцарияда кўчмас мулк жуда қиммат туради. Аслида музей Блаттер даврида қурилишни бошлаб, Инфантино президентлигида очилди. 40 йилга ижарага олинган бино қайта таъмирланди.
2020 йилнинг декабрида ФИФА собиқ президентини судга беради. Сабаби оддий, 563 млн доллар сарф қилинган музей бор йўғи 3 млн фойда келтиради. ФИФА эса Блаттер бекорга катта маблағ сарф қилган деган важ билан уни судга берди.
Мингдан ортиқ экспонатларга бой кўргазмада барча Жаҳон чемпионатларига доир томошабоп нарсаларни кўрасизлар. Уларнинг орасида 1930 йилги чемпион Уругвай кийган либос анча қадрли.
Ўзбекистон миллий терма жамоасининг либоси ҳам музейдан жой олган. Бу ерда ФИФАга аъзо бўлган барча мамлакатларнинг футболкалари туради. Улар қаторида бизнинг кўк рангдаги либосимизни кўришимиз мумкин. Яна ЎФФни 1994 йил ФИФАга аъзо бўлганлиги ҳақидаги махсус ойна ҳам мавжуд.
Сафар бош ҳомийси: Alfraganus University
Ҳомийлар: Coca Cola, Trastbank, AKFA, Ucell
Мен эса мана бу видеода футболкамизни ЖЧга чиққан мамлакатлар қаторида туришини ният қилдим.
Изоҳлар