Ушбу ўйинда меҳмонлар 6:2 ҳисобида вакилларимиздан устун келишди. Қийин ўтган баҳсдан сўнг термамиз футзалчиси Даврон Чориев ўз фикрлари билан ўртоқлашди.

“Ҳозир жаҳон чемпионатига катта тайёргарлик бошлаганмиз. Озарбойжон термасига қарши биринчи назорат ўйинимизда дуранг натижа қайд этгандик. Мураббийимиз берган тактикалар устида машғулотлар олиб боряпмиз. Менимча тўғри йўлдан кетяпмиз деб ўйлаймман. Бундай назорат учрашувларида асосийси натижа муҳим эмас биз машғулот ўтказяпмиз. Колумбиядаги мундиалда ўйинимиз бошқача бўлади, бундай ҳисоблар қайд этилмайди. Кечаги жавоб ўйинининг биринчи бўлимида кўп гол ўтказиб юбордик деб. Биринчи бўлимни инобатга олмаганда иккинчи бўлимда биз ғалаба қозондик деб ўйлайман. Биз бор кучимизни кўрсатмадик. Бундан ҳам ортиқ кучлироқ ўйнашга қодирмиз. Агарда биз ўзимиз истаганимизда ҳисоб ҳам бошқача кўриниш олган бўларди. Ўртоқлик учрашувлари биз учун машғулот. Мураббийимиз йиғиндаги барча футзалчилари синаб кўряпти. Мундиалда 14 та футзалчи бўлади ва ўйинимиз ҳам ўзгача бўлади”, - дейди Ўзбекистон терма жамоаси аъзоси Даврон Чориев.

Толибжон Қосимов

Даврон Чориев: “Ўртоқлик учрашувлари биз учун машғулот”