"Биз банкдан қарзи йўқ бўлган А Сериянинг ягона клубимиз. Клубни қабул қилганимдан сўнг, катта ўсишга эришдик. Бугунги кунда "Наполи"нинг даромади "Ювентус"никидан уч марта кам, аммо ҳисоб рақамларимиз уларникидан яхши ҳолатда.

"Ювентус" Италиянинг энг обрўли оиласига тегишли. Аньелли оиласи 100 йилдан бери бу позицияни эгаллаб туради. Бу ерда гап пулда эмас, алоқаларда, айнан шу жиҳат туфайли муаммолар ҳал қилинади. Бу барча даражада ишлайди.

"Ювентус" ва "Наполи" ўртасидаги баҳс чемпионлик пойгасида ҳал қилувчи аҳамиятга эга бўлади деб ўйламайман. Жароҳатлар ва ҳакамлик хатоларининг таъсири каттароқ бўлади" - дейди Де Лаурентис.

Де Лаурентис: "Ювентус" Италиянинг энг обрўли оиласига тегишли"