Жамоамизнинг ғалабали ўйинлари сони 6 ой ва 6 кун давом этди.

Сўнгги марта 2-турда Ёзёвонда нурсиз дуранг қайд этиб очко йўқотган «Динамочилар» 33-турга келиб «УзДонгЖу» билан баҳсда ҳам 1:1 ҳисобидаги муросали ўйинда очко йўқотишди.

Учрашувни ҳужумкор бошлаган мезбонлар 8-дақиқада Даврон Фарҳодовнинг голи эвазига ҳисобни очишди. Бунга жавобан самарқандликларнинг кетма-кет ҳужумлари 76-дақиқага келиб ўз самарасини берди. Тажрибали ҳимоячи Алексей Николаевнинг йўллаган зарбаси «Динамо»нинг сафардан бир очко билан қайтишини таъминлади, 1:1.

Жамоамизни навбатдаги баҳсда ҳам муҳим ўйин кутиб турибди. 26 октябрь куни «Динамо» Ҳаққулободда турнир жадвалида 2-ўринда бораётган «Норин» клуби меҳмони бўлади.

Биринчи Лига. 33-тур.

23 октябрь (якшанба)

«УзДонгЖу» (Андижон) – «Динамо» (Самарқанд) – 1:1

Андижон, 109 томошабин.

Ҳакамлар: Д. Пислегин (Тошкент) – 8,3, Ф. Ярмухамедов (Тошкент) – 8,1, С. Нишонбоев (Тошкент) – 8,1.

Голлар: Д. Фарҳодов (8) – А. Николаев (76).

«Динамо»: Михаил Наумов, Бунёд Исроилов, Акмал Бозоров (Убайдулло Набиев, 16), Алексей Николаев, Миркомил Локаев, Жонибек Кўчимов (Ислом Шарипов, 51) Омаджон Тайлоқов, Искандар Холмирзаев (Асомиддин Маматов, 79), Жасур Азимов, Виктор Клишин (Алишер Холиқов, 60), Амиржон Сафаров.

Назоратчи: С. Зайлобидинов (Фарғона).

Огоҳлантиришлар: А. Абдумажидов (49), А. Комилов (56), Д. Фарҳодов (76) – У. Набиев (47).

"Динамо"нинг 24 ўйинлик ғалабали серияси Андижонда тўхтатилди