Барча 1/8 финал босқичига йўл олган жамоалар номи аниқ бўлди.
"А" гуруҳидан Испаниянинг амалдаги чемпиони "Атлетико" клуби ва Италиянинг 30 карра чемпионлари Туриннинг "Ювентус" жамоалари кейинги босқичга йўлланма олишди.

"B" гуруҳидан Европа чемпионлар лигасининг тган мавсумдаги ғолиб жамоаси "Реал" ҳамда Швейцариянинг "Базель" клуби плей-офф масаласини муваффақиятли ҳал этди.

"C" гуруҳини эса Франциянинг "Монако" ва Германия клуби "Байер" жамоаси омадли якунлаб, 1/8 финал босқичига йўл олишди.

"D" гуруҳидан "Боруссия Д", "Арсенал", "E" гуруҳидан "Бавария", "Манчестер Сити", "F" квартетидан "Барселона" ҳамда ПСЖ, "G" гуруҳидан "Челси", "Шальке", "H" гуруҳидан эса "Порту" ва "Шахтёр" жамоалари плей-офф йўлланмасини қўлга киритишди.

Европа чемпионлар лигасининг 1/8 финал босқичида бундеслиганинг барча тўрттала жамоаси ҳам ўйнаш ҳуқуқинини қўлга киритган ягона чемпионат вакиллари бўлишди.
Англия ва Испаниядан учтадан, Франциянинг барча иккита жамоаси ва Италия чемпионатидан фақатгина "Ювентус" мусобақадаги юришини давом эттириши мумкин.

Шунингдек, гуруҳларда учинчи ўринни қўлга киритган жамоалар: "Олимпиакос", "Ливерпуль", "Зенит", "Андерлехт", "Рома", "Аякс", "Спортинг" ва "Атлетик" клублари Европа лигасида иштирок этишади.

ЕЧЛ. Плей-офф иштирокчилари маълум ёхуд бундеслига йўқотишларсиз