Унда клублар ва футболчилар фаол бўлиш илинжида ҳаракатларни олиб боришмоқда.

"Championat.asia" олган маълумотга кўра, Ўзбекистон миллий терма жамоаси ва "Навбаҳор" клуби ҳимоячиси Фарруҳ Сайфиевга Эроннинг бирданига 2 клуби жиддий қизиқиш билдирмоқда. Булар: "Фулад" ва "Трактор". Айни пайтда музокаралар давом этмоқда. "Фулад" таркибида терма жамоамизнинг яна бир аъзоси Ўткир Юсупов ҳам ҳаракат қилишидан хабарингиз бор.

Маълумот учун, "Фулад" айни пайтда Эрон чемпионатида 10 ўйиндан 18 очко жамғарган ҳолда 5-ўринда бормоқда, "Трактор" эса 10 ўйинда 22 очко йиғиб пешқадамлик қилмоқда.

Эслатиб ўтамиз, Сайфиев 2024 йил "Навбаҳор" сафида Суперлигада 21 та ўйинда майдонга тушиб 1 та гол урди ҳамда 2 та голли узатмани амалга оширди.

Эшитдик-да! Ўзбекистон МТЖ аъзосига Эроннинг 2 клуби қизиқмоқда