Эшитдик-да! Сречко Катанец қандай касаллиги маълум

Narzulla Saydullayev

20 jan 2025

Ўзбекистон миллий терма жамоаси бош мураббийи Сречко Катанец анчадан буён соғлигидаги муаммолардан азият чекмоқда.

Championat.asia сайти маълумотига кўра, словениялик мураббий онкологик касаллик билан курашмоқда.

- 2023 йил 14 июнь куни Сречко Катанец соғлиги билан юзага келган муаммолар сабабли "CAFA Nation's Cup 2023" мусобақасининг Туркманистон, Тожикистон ва Эронга қарши ўйинларида қатнаша олмади.

- 2024 йил 23 март куни кутилмаганда соғлиги билан юзага келган муаммолар туфайли ўз ватани Словенияга жўнаб кетишга мажбур бўлди. 26 март кунги Гонконгга қарши ўйинга терма жамоани Алеш Чех бошчилигидаги штаб олиб тушганди.

- 2024 йил 5 июнь. Туркманистонга қарши ўйиндан олдинги матбуот анжуманида Сречко Катанец шундай деганди: "...Соғлигим ҳақида тўлиқ айтиб берсам анча вақт керак бўлади. Ўз вақтида организимимни эшитмаганман. Жуда кўп жарроҳлик амалиётларини ўтказганман. Шу сабабли даволанишга тўғри келмоқда. Инсон фақат ҳаста бўлганидан кейингина соғлиғи ҳақида ўйлар экан. Айни пайтда соғлигим анча яхши. Агар учинчи марта терма жамоани соғлигим туфайли тарк этсам бошқа қайтиб келмайман. Ишончим комилки, бу нарса содир бўлмайди..."

- 2024 йил октябрь ойи. Бош мураббий соғлиги туфайли Жаҳон чемпионати саралаши доирасидаги БАА ва Эронга қарши ўйинларда иштирок эта олмаганди.

- 2025 йил январь ойи. Мураббийнинг саломатлиги ёмонлашгани сабабли шифокорлар тавсиясига кўра, Доҳадаги йиғинда иштирок этмайди.

Championat.asia сайти бош мураббийга тезроқ соғайиб кетишини тилайди.

Ўзбекистон МТЖ Сречко Катанец

Изоҳлар

Bexzodbek Xoldarov

20 jan

Yolgon uni sochlari joyida turibdi U saxar bolishi mumkin

Azizbek Shoyimov

20 jan

Ròziqul Berdiyevga berish kerak lekin Kapadzega beradi katta ehtimol

Nodirbek Masharipov

20 jan

JCH NI QIZIQI YUQ HAMMA JOYDA PUL ISHLASH TERMA JAMAOLARNI KOʻPAYTIRIB QIZIQINI YUQOTTI CHL ga oʻxshab shundan ham futbol boʻldimi

Shahboz4

20 jan

Бош мураббийликни ёрдамчисига бериши кк

Fc Milan20

20 jan

Otning o'limi, itning bayrami deb hamma o'zini amaki-tog'asini bosh murabbiylikka keltirish bilan ovoraku. Terma jamoaga sig'may qolgan futbolchilar saytga kirib olib o'ziga yaqin murabbiyni tavsiya qilyaptimi nima balo. Hozircha Babayan nomzodiga ko'zim tushmadi. Agar o'shani ham kimdir tavsiya qilsa o'sha Lobanov, Andreyev, Krimets, Hoshimovdan bittasi bo'lib chiqadi. Shuncha tarixni ko'rib qo'ygan qaysi aqlan sog'lom muxlis Qosimov, Abramov, Berdiyev, Babayanni bosh murabbiylikka kelishini istaydi. Bittasi Kuper deb chiqibdi. Suriyani ikkinchi raundni o'zida qoldirib ketgan murabbiyni. Bular bizga dushmanmi yoki bizni jahon chempionatiga chiqishimizni istamaydigan alamzada qo'shnilarmi. Hozirda biror O'zbekistonlik murabbiyni kelganidan, Katanesni arvohi bo'lsa ham boshqargani yaxshiroq. Kelsa xorijdan boshqa tajribali mutaxasis olib kelinsin. Ishsiz yaxshi murabbiylar ko'p, O'zbekiston nomi ham tanilib bo'ldi. Keyin qaysidir yosh murabbiyimiz unga yordamchi bo'lsin.