Клуб эски ҳомийлардан янги ҳомийларига ўтиши жуда ҳам чўзилиб кетганидан хабарингиз бор.

Championat.asia сайти маълумотига кўра, клуб олдида яна бир муаммо пайдо бўлди. Гап шундаки, жамоага яқинда 4 нафар испаниялик мутахассис келганди: бош мураббий Хорди Фабрегат, жисмоний тайёргарлик бўйича мураббий Хорхе Руис, спорт директори Хуан Мануэль Бароссо ва яна бир дарвозабонлар мураббийи.

Аммо уч нафар мутахассисда керакли лицензия йўқлиги маълум бўлди ва улар ўз юртларига учиб кетишди.

Яқин кунларда "Сурхон"га бошқа мураббийлар келиши кутилмоқда.

Маълумот учун, Суперлига клубида бош мураббий бўлиб ишлайдиган инсонда "Про" лицензия бўлиши шарт. Жисмоний тайёргарлик бўйича мураббийда "Fitness Level 2", спорт директорида олий маълумот дипломи, дарвозабонлар мураббийида "Goalkeeping Level 3" лицензияси бўлиши керак.

Эшитдик-да! "Сурхон"га келган уч нафар испаниялик мутахассисда керакли лицензия йўқ экан