Ўз-ўзидан жамоаларимиз таркибни шакллантириш жараёнини аллақачон бошлаб юборишган. Биринчи даврада "Сурхон"нинг асосий таркибидан тушиб қолган либериялик ҳужумчи Силванус Нимели давралар оралиғида жамоасини ўзгартиради.
"Championat.asia" олган маълумотга кўра, яқингача 25 ёшли ҳужумчи учун асосий давогар "Металлург" клуби бўлиб келаётган эди. "Металлург" ва футболчининг агенти ўртасида музокаралар ҳам бўлиб ўтган. Лекин, ҳозирга келиб Нимели учун курашда ОКМК жамоаси фаворит бўлиб олди. Олмалиқликлар ва ўйинчининг вакиллари ўртасида музокаралар давом этмоқда. ОКМКни сербиялик ҳужумчи Милан Шкрбич тарк этган ва олмалиқликлар унинг ўрнига бошқа форвард излашмоқда.
Эслатиб ўтамиз, Сиилванус Нимели жорий мавсум Суперлига ва Ўзбекистон кубогида жами 5та ўйинда майдонга тушди ва битта гол уриб, битта ассист берди.
Изоҳлар