Тошкент вақти билан соат 22:00да бошланадиган тадбирда Жаҳоннинг машҳур футболчилари ва мураббийлари иштирок этишади.

Қуръа ташлаш маросимида Рууд Гуллит (Голландия), Биксент Лизаразю (Франция), Оливер Бирхофф (Германия), Ангелос Харистеас (Греция), Антонин Паненка (Чехословакия), Давид Трезеге (Франция) ва Висенте дель Боске (Испания) каби машҳурлар қатнашишади.

2016 йилги Европа чемпионатида илк бор 24та жамоа иштирок этади. Қитъа чемпионати бир ой давом этади (10 июнь - 10 июль). Ўйинларни Франциянинг 10та шаҳри қабул қилади: Бордо, Ланс, Лилль, Лион, Марсель, Тулуза, Сент-Этьен, Ницца, Париж ва Сен-Дени.

Эртанги қуръа ташлаш жараёнидан сўнг 24та жамоа 6та гуруҳга тақсимланади.

Эслатиб ўтамиз, қуръа ташлаш маросими эртага Тошкент вақти биалан соат 22:00да Uzreport телеканали орқали тўғридан-тўғри намойиш этилади.

ЕВРО-2016. Қуръа жараёнида қайси юлдузлар иштирок этади?