Бугун якунланган мавсумда Европанинг кучли лигаларида ўзининг тўпурарлик қобилиятини намойиш этган Осиё қитъаси вакиллари билан таништирамиз.

Ку Жа Чол ("Аугсбург" - 8 та гол)

Ку Жа Чол "Аугсбург"га қайтганидан сўнг, биринчи мавсумдаёқ 8 та гол уришга муваффақ бўлди. Клуб мавсумни 12-ўринда якунладию

Поря Аҳмади ("Бангор Сити" - 8 та гол)

Сиз эронлик Поря Аҳмади ҳақида умуман эшитмагандирсиз, у тўп сурадиган "Бангор Сити" ҳам Уэльсда машҳур эмас. 23 ёшли футболчининг 8 та голи жамоасининг муваффақиятларига катта хисса қўша олди.

Шинжи Кагава ("Боруссия" Д - 9 та гол)

Шинжи Кагава сўнгги мавсумда "Боруссия"даги ўйийнлар сонини 100 тага етказиб олди. Япониялик ярим ҳимоячи 9 та гол билан мавсумда яхши якунлади.

Йуйа Кубо ("Янг Бойз" - 9 та гол)

23 ёшли ҳужумчи сўнгги мавсумда Швейцариянинг "Янг Бойз" клуби сафида ўз ҳисобига 9 та гол ёздириб қўйди.

Сардор Азмун ("Ростов" - 9 та гол)

Якунланган мавсумда "Ростов" "Лестер Сити" каби кўпчилик учун кутилмаган сюрприз бўлди. Улар Россия чемпионатининг кумуш медалларини қўлга киритишди.

Жамоанинг асосий футболчиларидан бири бўлган Сардор Азмун 9 та гол уриб, "Ростов" учун муҳим бўлган очколарни тўплаб берди.

Сук Хьюн Жун ("Виториа Сетубал"/ "Порту" - 10 та гол)

Жанубий кореялик Сук Хьюн Жун "Виториа Сетубал" сафида 9 та гол урганидан сўнг "Порту"га ўтди. Жорий мавсумда футболчи олдинги мавсумдан кўра битта кўпроқ гол урди.

Тукуми Минамино ("Зальцбург" - 10 та гол)

Тукуми Минаминонинг "Зальцбург"даги илк мавсуми омадли чиқмади. Минамино жорий мавсумда 10 та гол уришга муваффақ бўлди ва бу жамоанинг чемпионлик йўлида катта ёрдам берди.

Европанинг кучли лигаларида кўп гол урган осиёликлар