Биз фурсатдан фойдаланиб терма жамоамиз вакили Фарҳод Абдумавлонов билан учрашиб ушбу ўйин олдидан кичик интервью олдик.

- Бугун Қирғизистон терма жамоасига қарши баҳс олиб борасизлар. Ушбу терма жамоа Ливанга қарши ўйинда дуранг натижа қайд этди. Ушбу терма жамоа билан бир неча бор тўқнаш келгансизлар. Қирғизистон терма жамоасини ҳозирги холатини қай даражада деб баҳолайсиз?
- Қирғизистон яхши тайёргарлик кўрган терма жамоа. Тайёргарлик жараёнида Россияда йиғин олиб боришди. Уерда кучли бўлган “Дина” клубига қарши ўртоқлик ўйини ўтказишди. Улар ушбу мусобақага жуда яхши тайёргарлик кўришган деб ўйлайман. Қирғизистон терма жамоасида яхшигина ўсиш сезиляпти. Қолаверса бутун Осиё терма жамоалари ўсиб боряпти. Осиёда футзал жадал равишда ривожланиб бормоқда. Эътибор берган бўлсангиз (8:0, 9:0) ҳисоблари қайд этилмаяпти. Ўртамиёна жамоалар кучли терма жамоаларга қарши ўйнаганда ҳисоб камида йирик кўриниш олмаяпти. Бу барча терма жамоалар ўсиб келаётганидан далолат беряпти. Бунга кечаги ўйинда Қатар ва Япония терма жамоасини мисол қилиш мумкин. Бугун Қирғизистон терма жамоасига қарши ўйинда ғалаба қозонамиз. Биз ўз кучимизга ишонамиз.

- Қирғизистон Ливан терма жамоаси га қарши ўйинда дуранг қайд этишди. Ушбу ўйин ҳақида қандай фикр билдирасиз?
- Қирғизистонлик футзалчилар иккита гол уриб олдинга ўтиб олганидан сўнг бироз хотиржамликка берилишди ва ўйин тезлигини бироз тушуришди деб ўйлайман. Ливан терма жамоаси футзалчилари шундан унумли фойдаланишди ва ҳисобда ҳам олдинга чиқиб олишди. Вьетнам терма жамоаси аввалги Осиё чемпионатида яхи иштирок этишган. Қирғизистон терма жамоаси ливанликларнинг хатосидан фойдаланиб иккита гол уришга эришди. Ливан бундай тушкунликка тушиб қолмади балки ўз ўйинини намойиш этиб ҳисобда ҳам олдинга чиқиб олишганди. Лекин ливанлик футзалчи сўнгги дақиқаларда қўпол хатога йўл қўйди ва рақиблар ҳисобни тегнлаштиришга эришишди. Ушбу ўйин натижаси биз учун ҳеч қандай ахамиятга эга эмас. Биз ўз ўйинимиз ҳақида ўйлашимиз керак. Бунақанги йирик мусобақаларда ким кўп хатога йўл қўйса ўша жамоа мағлубиятга учрайди. Асосан хатоларсиз ҳаракат қилиш керак.

- Биринчи турда Саудия Арабистони терма жамоасига қарши ўйинда биринчи бўлимда кўп хатоларга йўл қўйдинглар. Ушбу хатолардан ҳулоса чиқардингларми?
- Ҳар бир терма жамоа учун биринчи ўйин жуда қийин кечади. Мени фикримча бирини бўлим биз учун жуда оғир кечди. Яхшиямки жамоамиз посбони Рустам Умаров рақибларнинг бир қанча голли вазиятларини йўққа чиқарди. Шундан сўнг бизда ўзимизга бўлган ишонч янада ошди. Мураббийларимизни кўрсатмаларига амал қилган холда иккинчи бўлимни аъло даражада ўтказдик. Бугунги ўйин биз учун осон кечади деб ўйлайман. Биринчи ўйидан сўнг хатоларимизни билиб олдик ва ушбу хатларни такрорламасликка ҳаракат қиламиз.

- Қирғизистон терма жамоасига қарши ўйинга 100 фоиз тайёрмисизлар?
- Албатта 100 фоиз тайёрмиз. Биринчидан ушбу мусобақа ўз уйимизда ўтказиляпти, иккинчидан хар бир ўйинга 100 фоизлик тайёргарлик билан тушмасак мағлуб бўлишимиз мумкин. Шунинг учун биз барча ўйинларга 100 фоиз тайёрмиз. Фақатгина мухлисларимиз келиб бизни қўллаб – қувватлаб туришса шуни ўзи биз учун янада ишонч бағишлайди.

- Келгуси ўйинлар ҳақида қандай фикр билдирасиз?
- Кейинги ўйинлар ҳақида гапирадиган бўлсам, ўз ўйинимизда ўсиш бўлишини кутиб қоламан. Биз жаҳон чемпионатига чиқиш учун биринчи қадамни ташладик. Бугун иккинчи қадамни талаймиз. Қадамма – қадам ғалаба қозонишга ҳаракат қиламиз. Биз фақат ҳозирги ўйинимиз ҳақида ўйлашимиз керак. Эртанги ўйин ҳақида бугунги ўйинда ғалаба қозонсак ўйлаймиз. Шунинг учун фақат бугунги ўйинга бор эътиборимизни қаратганмиз.

Жаҳонгир Сотволдиев суҳбатлашди.

Фарҳод Абдумавлонов: “Биз жаҳон чемпионатига чиқиш учун биринчи қадамни ташладик”